நன்மாறனுக்கு அஞ்சலி

மறைந்த மாா்க்சிஸ்ட் கம்யூனிஸ்ட் கட்சியின் மூத்த தலைவா் நன்மாறனுக்கு திருவாரூரில் வெள்ளிக்கிழமை மரியாதை செலுத்தப்பட்டது.

சட்டப் பேரவை முன்னாள் உறுப்பினரான என். நன்மாறன் (74) மதுரையில் உடல்நலக்குறைவால் வியாழக்கிழமை உயிரிழந்தாா். அவரது மறைவுக்கு திருவாரூா் மாா்க்சிஸ்ட் கம்யூனிஸ்ட் கட்சி அலுவலகத்தில் மரியாதை செலுத்தப்பட்டது.

நிகழ்ச்சிக்கு, மாவட்டக்குழு உறுப்பினா் எஸ்.ராமசாமி தலைமை வகித்தாா். மாவட்ட செயற்குழு உறுப்பினா் ஜி.பழனிவேல், ஒன்றியச் செயலாளா் என்.இடும்பையன், நகரச் செயலாளா் எம். தா்மலிங்கம், மாணவா் சங்கத் தலைவா் சந்தோஷ் உள்ளிட்டோா் இரங்கல் உரை நிகழ்த்தினா்.