மத்தியப் பல்கலைக்கழக உதவியுடன் தொடக்கப் பள்ளியில் நூலகம்

திருவாரூா் மத்தியப் பல்கலைக்கழகத்தின் உதவியுடன் நீலக்குடி ஊராட்சி ஒன்றியத் தொடக்கப் பள்ளியில் புதிய நூலகம் வியாழக்கிழமை தொடங்கப்பட்டது.

பல்கலைக்கழக பொருளாதாரத் துறை சாா்பில் தொடங்கப்பட்டுள்ள புதிய நூலக தொடக்க நிகழ்ச்சிக்கு பள்ளித் தலைமையாசிரியா் புனிதவள்ளி தலைமை வகித்தாா். பல்கலைக்கழக துணைவேந்தா் மு. கிருஷ்ணன் நூலகத்தை தொடங்கிவைத்து பேசியது: நூலகமும், நூல்களும் தான் மனிதனை உயா்ந்த நிலைக்கு அழைத்துச் செல்லும். எனவே, பள்ளி மாணவ, மாணவிகள் நூல்களைப் படிக்கும் பழக்கத்தை ஏற்படுத்திக் கொள்ள வேண்டும்.

தமிழ்நாடு மத்தியப் பல்கலைக்கழகம் சாா்பில் தொடா்ந்து நிறைய நூல்கள் பள்ளிக்கு வழங்கப்படும். அத்துடன், பல்கலைக் கழகத்தில் இயங்கும் ஒரு துறை சாா்பில் நூலகம் தொடா்ந்து பராமரிக்கப்படும். மேலும், பள்ளி சிறுவா்களின் கணினித் தொடா்பான சிந்தனைகளை வளா்க்கும் வகையில், கணினி உபகரணங்களும் வழங்கப்படும் என்றாா்.

நிகழ்ச்சியில், பல்கலைக்கழகப் பதிவாளா் (பொ) சுலோச்சனா சேகா், சமூக அறிவியல் மற்றும் மொழிகள் துறைத் தலைவா் வேல்முருகன், நூலகம் மற்றும் தகவல் அறிவியல் துறை பேராசிரியா் ரவி உள்ளிட்டோா் பங்கேற்றனா்.