உடல் நலக்குறைவால் மன்னார்குடி தொகுதி சட்டப் பேரவை முன்னாள் உறுப்பினர் கு.சீனிவாசன் காலமானார்.
திருவாரூர் மாவட்டம், மன்னார்குடி தொகுதி சட்டப் பேரவை முன்னாள் உறுப்பினர் கு.சீனிவாசன் (75). இவர், உடல் நலக்குறைவு காரணமாக மார்ச். 3 ஆம் தேதி வெள்ளிக்கிழமை காலை மன்னார்குடியில் கீழவடம் போக்கித் தெருவில் உள்ள அவரது இல்லத்தில் காலமானார்.
இவருக்கு, மனைவி லலிதா, மகன் ரஞ்சன் உள்ளனர். கடந்த 1991-1996 வரை மன்னார்குடி தொகுதி அதிமுக சட்டப்பேரவை உறுப்பினராக கு.சீனிவாசன் இருந்துள்ளார். தற்போது, அமமுக மாநில அமைப்புச் செயலராக இருந்து வந்தார். கு.சீனிவாசனின் இறுதி சடங்குகள் வெள்ளிக்கிழமை மாலை 7 மணிக்கு நடைபெறுகிறது.
விவரம் அறிய: 91768 31495.