மன்னாா்குடி ஜீயாதோப்பில் ஒருங்கிணைந்த நீதி மன்றம்: நகராட்சி ஆணையா்

மன்னாா்குடி: மன்னாா்குடி ஜீயாதோப்பில் ஒருங்கிணைந்த நீதிமன்றம் அமைய உள்ளது என நகராட்சி ஆணையா் எஸ்.என். சியாமளா தெரிவித்துள்ளாா்.

நகரப் பகுதி மேம்பாடுகள் குறித்து அவா் வெளியிட்டுள்ள செய்திக் குறிப்பில் தெரிவித்திருப்பது: மன்னாா்குடி நகராட்சிக்கு சொந்தமான ஜீயாதோப்பு பகுதியில் விரைவில் ஒருங்கிணைந்த நீதிமன்றம் அமையவுள்ளது. எனவே, அப்பகுதியில் குப்பைக் கிடங்கு வருவது சாத்தியமில்லை. நகரின் மையப் பகுதியில் ஒருங்கிணைந்த நீதிமன்றம் அமைவதால் நகர மற்றும் சுற்றுப் பகுதி மக்களுக்கு பெரிதும் பயனுள்ளதாக அமையும். நகராட்சிப் பகுதியில் நாள்தோறும் சேகரிக்கப்படும் 20 டன் குப்பைகள் நகராட்சிக்கு சொந்தமான 3 நுண்ணுயிா் உரமையங்களில் (எம்சிசி) தொடா்ந்து உரமாக்கப்படுகிறது. குப்பைகளிலிருந்து பிரித்தெடுக்கப்படும் பிளாஸ்டிக் கழிவுகள் அரியலூா் சிமெண்ட் தொழிற்சாலைகளுக்கு அனுப்பப்படுகிறது.

நீா் பாதுகாப்பு மற்றும் நீா் மேலாண்மையை பொறுத்தவரையில், முதற்கட்டமாக நகரில் அமைந்துள்ள 10 குளங்கள் கலைஞா் நகா்ப்புற மேம்பாட்டு திட்டத்தின் (கேஎன்எம்டி) கீழ் ரூ.50 கோடியில் புனரமைக்கப்பட்டுள்ளது. நீா்மேலாண்மை மற்றும் குப்பைகளை முறையாக கையாளுவதில் மன்னாா்குடி நகராட்சி சிறந்து விளங்குவதால், தமிழ்நாடு முதலமைச்சா் 2023-ஆம் ஆண்டில் மன்னாா்குடி நகராட்சிக்கு சிறந்த நகராட்சிக்கான விருது வழங்கப்பட்டுள்ளது.

ஆண்டுதோறும் மழைக்கால முன்னேற்பாடு நடவடிக்கையாக நகரில் உள்ள அனைத்து வடிகால்கள் மற்றும் வாய்க்கால்கள் தூா்வாரப்பட்டு, வெள்ளத் தடுப்பு மற்றும் நீா்மேலாண்மையில் நகராட்சி சிறந்து விளங்குகிறது. மன்னாா்குடி நகரத்தை தூய்மை நகரமாக மாற்றக்கூடிய முயற்சி தொடா்ந்து நடைபெறுகிறது என தெரிவித்துள்ளாா்.