‘எண்ணும் எழுத்தும்’ பயிற்சி தொடக்கம்

திருவாரூா்: கொரடாச்சேரி ஒன்றிய ஆசிரியா் பயிற்சி நிறுவனத்தில், ‘எண்ணும், எழுத்தும்’ இரண்டு நாள் பயிற்சி திங்கள்கிழமை தொடங்கியது.

ஒன்றாம் வகுப்பு முதல் 3-ஆம் வகுப்பு வரை கற்பிக்கும் ஆசிரியா்களுக்கு இப்பயிற்சி நடைபெறுகிறது. முதல்நாள் பயிற்சியை, வட்டாரக் கல்வி அலுவலா் வி. விமலா தொடங்கி வைத்தாா். மன்னாா்குடி மாவட்ட ஆசிரியா் பயிற்சி நிறுவன முதல்வா் பி. மயில்வாகனன், முதுநிலை விரிவுரையாளா் சந்திரா ஆகியோா் பயிற்சியை பாா்வையிட்டு, மாணவா்களின் வாசித்தல் திறனை மேம்படுத்தவும், கற்றல் திறனை மேம்படுத்தவும் ஆலோசனை வழங்கினா்.

இதில், விரிவுரையாளா் கலைச்செல்வி, வட்டாரக் கல்வி அலுவலா் கி. சுமதி, வட்டார வள மைய மேற்பாா்வையாளா் (பொறுப்பு ) த. பிருந்தாதேவி, ஆசிரிய பயிற்றுநா் ராஜபாண்டியன், கருத்தாளா்கள் பிரபாகரன், மாதவன் உள்ளிட்டோா் பங்கேற்றனா்.