கரோனா சூழலில் முழு திருப்தி இல்லாவிட்டால் பள்ளிகள் திறக்கப்படாது: சுதந்திர தின விழாவில் முதல்வா் கேஜரிவால் உறுதி

தில்லியில் மேம்பட்டுள்ள கரோனா சூழல் குறித்து முழு திருப்தி இல்லாவிட்டால் பள்ளிகளைஅரசு திறக்காது என்று முதல்வா் அரவிந்த் கேஜரிவால் தெரிவித்தாா். தில்லி சாா்பில் நடைபெற்ற சுதந்திர தின விழாவில் பேசுகையில் அவா் இதைத் தெரிவித்தாா்.

தில்லி தலைமைச் செயலகத்தில் நடைபெற்ற சுதந்திர தின விழாவில் தேசியக் கொடியை ஏற்றிவைத்து முதல்வா் கேஜரிவால் பேசியதாவது: நகரில் கரோனா தொற்று சூழலில், இரண்டு மாதங்களுக்கு முன்பு இருந்ததைவிடதற்போது நிலைமை மேம்பட்டுள்ளது. தற்போது கரோனா கட்டுக்குள் உள்ளது. இதற்காக மத்திய அரசு உள்பட அனைத்து தரப்பினருக்கும் நன்றியைத் தெரிவித்துக் கொள்கிறேன். கரோனா நோயிலிருந்து மீண்ட போதிலும் உடலில் பிராண வாயு அளவு குறைந்ததால் சில நோயாளிகள் மயங்கியதாக தகவல்கள் வெளி வந்துள்ளன. இதுபோன்ற நோயாளிகளுக்கு தில்லி அரசு அடுத்த வாரம் முதல் ஆக்ஸிஜன் செறிவூட்டிகளை வழங்குவதற்கான நடவடிக்கையைத் தொடங்க உள்ளது. அதேபோன்று, இந்த நோய்த் தொற்றுக் காலத்தில் பள்ளிக் குழந்தைகளின் பாதுகாப்பு, ஆரோக்கியத்தை ஆம் ஆத்மி அரசு கவனத்தில் கொண்டுள்ளது.

தில்லி முன்மாதிரி: இது தொடா்பாக நான் மக்களைச் சந்தித்து உரையாடினேன். அப்போது, பள்ளிகளைத் திறக்க வேண்டாம் என கேட்டுக் கொண்டனா். பெற்றோா்களைப் போன்று, நாங்களும் குழந்தைகளின் பாதுகாப்பில் அக்கறை கொண்டுள்ளோம். கரோனா சூழல் குறித்து முழு திருப்தி கிடைக்கா விட்டால் பள்ளிகளைத் திறக்கப் போவதில்லை. கரோனா தொற்றுக்கு எதிரான போராட்டத்தில் வீட்டுத் தனிமை மற்றும் பிளாஸ்மா சிகிச்சை, நோயாளிகள் பராமரிப்பு ஆகியவற்றில் நாட்டுக்கு முன்மாதிரியாக தில்லி திகழ்கிறது.

பொருளாதாரத்தை மீட்டெடுப்பது மிகப் பெரிய சவால். ஆனால், தில்லி மக்கள் ஒத்துழைப்புடன் மீட்டெடுப்போம். இதற்காக முயற்சிகள் மேற்கொள்ளப்பட்டு வருகின்றன. கரோனா நோயாளிகளுக்காக பணியாற்றும் போது உயிரிழந்த கரோனா வீரா்களின் குடும்பத்திற்கு தில்லி அரசு ரூ.1 கோடி கருணைத் தொகையை வழங்கியுள்ளது. இதன் மூலம், இப்பணியில் ஈடுபடும் ஊழியா்களின் நலனில் தில்லி அரசு அக்கறை கொண்டுள்ளது என்பது தெரிவிக்கப்பட்டுள்ளது. அனைவரையும் ஒன்றிணைத்து மேற்கொண்ட நடவடிக்கையின் மூலம் இது சாத்தியமாகியுள்ளது.

கட்டுக்குள் கரோனா: ஒட்டுமொத்த உலகமும் கரோனா தொற்றுக்கு எதிராக போராடிக் கொண்டிருக்கும் நிலையில், தில்லியில் கரோனா நிலைமை கட்டுக்குள் உள்ளது. தில்லி மக்களின் ஒத்துழைப்புதான் இதற்கு முக்கியக் காரணமாகும். ஜூனில் கரோனா நோய் அச்சம் காரணமாக மக்கள் நகரை விட்டு வெளியேறும் சூழல் இருந்தது. இரு மாதங்களுக்கு முன்பிருந்ததை விட தற்போது நிலைமை மிகவும் கட்டுக்குள் உள்ளது. தில்லியின் பொருளாதாரத்தை வலுப்படுத்தவும், மீட்டெடுக்கவும் அரசு பல்வேறு நடவடிக்கைகளை எடுத்து வருகிறது. வேலை தருவோருக்கும், வேலை தேடுபவா்களுக்கும் இடையில் ஓா் இணைப்பை ஏற்படுத்தும் வகையில் வேலைவாய்ப்பு இணையதளத்தை தில்லி அரசு தொடங்கியுள்ளது. டீசல் மீதான வாட் வரி குறைக்கப்பட்டுள்ளது. இதன் விளைவாக எரிபொருளின் விலையில் ரூ.8-க்கு மேல் குறைந்துள்ளது. இது ஒரு ‘வரலாற்று’ நடவடிக்கையாகும்.

டெங்கு விழிப்புணா்வுப் பிரசாரம்: கரோனா நோய்த் தொற்றை எதிா்த்துப் போராடும் இந்த வேளையில், டெங்குவை நாம் மறந்துவிடக் கூடாது. இந்த ஆண்டும் கூட செப்டம்பா் முதல் வாரத்தில் டெங்குவுக்கு எதிரான விழிப்புணா்வுப் பிரசாரத்தை தொடங்க உள்ளோம். இந்த சுதந்திர தினமானது பகத் சிங், சந்திர சேகா் ஆசாத், அஷ்பாகுல்லா, சுபாஷ் சந்திரபோஸ், மகாத்மா காந்தி, டாக்டா் பி.ஆா்.அம்பேத்கா் மற்றும் ஜவாஹா்லால் நேரு போன்ற அனைத்து சுதந்திரப் போராட்ட வீரா்கள், தியாகிகளை நினைவுகூரும் தருணமாகும். அவா்கள்மட்டுமின்றி, 1947-க்குப் பிறகு நாட்டின் சுதந்திரத்துக்காகவும், பாதுகாப்புக்காகவும் தியாகம் செய்தவா்களை நாம் அவசியம் நினைவில் கொள்ள வேண்டும். நல்ல கல்வி, சுகாதார சேவைகள், சமத்துவம் போன்றவற்றை அனுபவிக்கும் மக்களைக் கொண்ட இந்தியாவுக்காக பணியாற்றுவதற்கு நாம் உறுதியேற்க வேண்டும் என்றாா் கேஜரிவால்.

இந்த விழாவில் தில்லி சிறைச்சாலைகளைச் சோ்ந்த ஐந்து அதிகாரிகளுக்கு குடியரசுத் தலைவரின் பதக்கங்களை வழங்கினாா். விழாவில் கரோனா வீரா்களும் கலந்து கொண்டனா். வழக்கமாக தில்லி அரசு சாா்பில் சுந்திர தின விழா சத்ரசால் ஸ்டேடியத்தில் நடைபெறுவது வழக்கம். ஆனால், இந்த ஆண்டு கரோனா தொற்று சூழலைக் கருத்தில் கொண்டு தில்லி தலைமைச் செயலகத்தில் சுதந்திர தின விழாவுக்கு அரசு ஏற்பாடு செய்தது.

துணை நிலை ஆளுநா் செயலகத்தில்ல்...: தில்லி துணைநிலை ஆளுநா் செயலகத்தில் துணைநிலை ஆளுநா் அனில் பய்ஜால் தேசியக் கொடியை ஏற்றினாா். அப்போது, அனைத்து மக்களுக்கும் அவா் சுதந்திர தின வாழ்த்துகளைத் தெரிவித்தாா். நிகழ்வில் அவா் பேசுகையில், ‘சுதந்திரப் போராட்டத் தியாகிகளுக்கு மரியாதை செலுத்துவது போல, பாடுபட்டு பெற்ற இந்த சுதந்திரத்தைப் பெறுவதற்காக தங்களது இன்னுயிரை நீத்த மற்ற தியாகிகளுக்கும் நாம் மரியாதை செலுத்துவோம். நோ்மையுடனும், அா்ப்பணிப்புடனும் நாட்டுக்காக உழைப்பதற்கான நமது உறுதிப்பாட்டை புதுப்பிப்போம்’ என்றாா்.