குருகிராமில் புதிய கல்வி பயிற்சி நிலையம்: ராமகிருஷ்ணா மிஷன் ஏற்பாடு

ஹரியாணா மாநிலம், குருகிராமில் புதிய கல்வி பயிற்சி நிலையத்தை ராமகிருஷ்ணா மிஷன் அமைக்கவுள்ளது.

இது தொடா்பாக ராமகிருஷ்ண மிஷன் செயலா் சுவாமி சாந்தாத்மானந்தா கூறியது: ஹரியாணா மாநிலம் குருகிராமில், ரூ.22 கோடியில் விவேகானந்தா இன்ஸ்டிடியூட் ஆஃப் வேல்யூஸ் (விஐவிஏ) அமைக்கப்படவுள்ளது. கல்வி முறையில் உள்ள இடைவெளியை நிவா்த்தி செய்யும் வகையில் இந்த மையம் அமைக்கப்படவுள்ளது. இங்கு, மதிப்புக் கல்விக்கு கூடுதல் கவனம் செலுத்தப்படும். அனைத்துத் தரப்பு மக்களுக்கும் பயனளிக்கும் வகையில் இந்த பயிற்சி நிலையம் அமையும்’ என்றாா்.

இந்தப் பயிற்சி நிலையங்கள் அமைப்பது தொடா்பாக, கடந்த 2014-இல் ராமகிருஷ்ண மிஷனுக்கும் மத்திய உயா்நிலைக் கல்வி வாரியத்துக்கும் (சிபிஎஸ்சி) இடையே புரிந்துணா்வு ஒப்பந்தம் கையெழுத்தானது குறிப்பிடத்தக்கது.