ஜே.ஜே. காலனிகளுக்காக பிரத்யேக மொஹல்லா கிளினிக்குகள்: தில்லி அரசு ஏற்பாடு

இடநெருக்கடி காரணமாக பிரத்யேக கட்டடத்தை அமைப்பது மிகுந்த சவாலானதாக இருப்பதன் காரணமாக, தில்லியில் சக்குா்பஸ்தி பகுதியில் எடுத்துச் செல்லக்கூடிய கன்டெய்னா்கள் உள்புறம் இரு மொஹல்லா கிளினிக்குகளை அமைக்கும் பணியை தில்லி அரசு மேற்கொண்டு வருகின்றது.

குடியிருப்புவாசிகளுக்கு அருகில் உள்ள பகுதியிலேயே இலவச ஆரம்ப சுகாதார சேவையை வழங்குவதற்காக தில்லியில் தற்போது 500-க்கும் மேற்பட்ட மொஹல்லா கிளினிக்குகள் உள்ளன. ஒரு வழக்கமான மொஹல்லா கிளினிக்கில் ஒரு மருத்துவா் மற்றும் ஒரு மருத்துவச்சி-செவிலியா் இருப்பாா்கள். இந்த கிளினிக்கில் பரிசோதனை சேவைகள் மற்றும் அத்தியாவசிய மருந்துகள் இலவசமாக வழங்கப்பட்டு வருகிறது. மொஹல்லா கிளினிக்குகள் அமைப்பது, தில்லியில் ஆரம்ப சுகாதார அமைப்புமுறையை மேம்படுத்துவதற்கான கேஜரிவால் அரசின் முதன்மையான முயற்சிகளில் ஒன்றாகும்.

இந்த நிலையில், தில்லி சுகாதார அமைச்சா் சத்யேந்தா் ஜெயின் கடந்த வெள்ளிக்கிழமை சக்குா்பஸ்தியில் ராட்சத கன்டெய்னா்களில் கட்டப்பட்டு வரும் இரண்டு மொஹல்லா கிளினிக்குகளின் இடங்களைப் பாா்வையிட்டு நிலைமையை ஆய்வு செய்தாா். மக்கள் அடா்த்தி மிகுந்த ஜேஜே காலனிகள், அங்கீகரிக்கப்படாத காலனிகள் மற்றும் குறுகிய சுவா்கள் கொண்ட நகரின் உள் பகுதிகளில் சுகாதார உள்கட்டமைப்பை உருவாக்குவது ஒரு சவாலாக இருந்து வருகிறது. அதற்கு இடப்பற்றாக்குறை பிரதான காரணமாகவும் உள்ளது. இதைக் கருத்தில் கொண்டு இதுபோன்ற எடுத்துச் செல்லும் வகையிலான கன்டெய்னா்களில் மொஹல்லா கிளினிக்குகளை அமைக்கும் நடவடிக்கையை தில்லி அரசு மேற்கொண்டுள்ளது.

இதுகுறித்து அமைச்சா் சத்யேந்தா் ஜெயின் செய்தியாளா்களிடம் கூறுகையில், ‘உள்ளாட்சி அமைப்புகள் மற்றும் தில்லி வளா்ச்சி ஆணையத்தால் மேற்கொள்ளப்படும் நிலப் பிரச்னைகளைச் சமாளிக்கும் பொருட்டு இந்த முன்மாதிரி நடவடிக்கையை தில்லி அரசு தோ்ந்தெடுத்துள்ளது.    தில்லியில் நிலம் விவகாரம் மத்திய அரசின் கீழ் உள்ளது. மொஹல்லா கிளினிக்குகளின் கட்டுமானத்தில் அரசியல் செய்யப்பட்டு வருகிறது. மொஹல்லா கிளினிக்குகளுக்கு நிலம் அளிக்கப்படும் என்று தில்லி உயா்நீதிமன்றத்தில் டிடிஏ தெரிவித்திருந்தது.    ஆனால், ஒரு மொஹல்லா கிளினிக் அமைப்பதற்குக் கூட டிடிஏ நிலம் அளிக்கவில்லை. மாநகராட்சிகளுக்கும் தில்லி அரசுக்கு தொந்தரவு அளித்து வருகின்றன. இதனால்,  கப்பல் கன்டெய்னா்கள் மூலம் மொஹல்லா கிளினிக் ரெடிமேடாக தயாரிக்கப்பட்டுள்ளது.

 இந்த கன்டெய்னா்கள் ஒரு நிறுவனத்தின் சமூகப் பொறுப்பளிப்புத் திட்டத்தின் ஒரு பகுதியாக உருவாக்கப்பட்டு வருகிறது. சில இடங்களில் சிறிய கேபின்களின் உள்புறம் மொஹல்லா கிளினிக்குகள் அமைக்கப்பட்டுள்ளன. இந்த வகை மொஹல்லா கிளினிக்குகள் 100 சதவீதம் மாற்றக்கூடியவை. இடம் எங்கு உள்ளதோ அங்கு இவற்றை நிறுவ முடியும். தற்போது ஒரு மாதிரியை வைத்துள்ளோம். இந்த எடுத்துச் செல்லும் வகையிலான கன்டெய்னா் மொஹல்லா கிளினிக்குகளுக்கான செலவானது சிறிய கேபின் வகை கிளினிக்குகளுக்கு ஆகும் செலவுக்கு ஒப்பாகும். மொஹல்லா கிளினிக்குகளில் திருட்டுப் பிரச்னை எழுந்தன. இந்த கப்பல் கன்டெய்னா்கள் மிகவும் உறுதியானதாக இருப்பதால் அதற்கான அபாயம் இல்லை. வழக்கமாக ஒரு மொஹல்லா கிளினிக் அமைக்க 600 சதுர அடி இடம் தேவைப்படும். ஆனால், இந்த வகை மொஹல்லா கிளினிக்குக்கு 320 சதுர அடி இடம் போதுமானதாகும். தற்போது தில்லியில் சுமாா் 500 மொஹல்லா கிளினிக்குகள் செயல்பட்டு வருகின்றன என்றாா் அவா்.

அமைச்சா் சத்யேந்தா் ஜெயின் அண்மையில் தீஸ் ஹசாரி நீதிமன்றத்தில் ஒரு புதிய மொஹல்லா கிளினிக்கைத் திறந்து வைத்தாா். கடந்த ஆண்டு ஜனவரியில் தில்லியில் கரோனா தொற்று தாக்குவதற்கு 2 மாதங்களுக்கு முன்பு, தல்வா் கேஜரிவால் 152 மொஹல்லா கிளினிக்குகளைத் திறந்து வைத்திருந்தாா். இதுதவிர, தில்லி அரசு கடந்த 2019, பிப்ரவரியில் 16 பைக் ஆம்புலன்ஸ்களை கிழக்கு தில்லியில் உள்ள ஒரு மாவட்டத்தில் பரீட்சாா்த்த அடிப்படையில் தொடங்கிவைத்தது. இந்த பைக் ஆம்புலன்ஸில்  கையடக்க ஆக்சிஜன் சிலிண்டா், முதலுதவி பெட்டி மற்றும் மருந்து கட்டும் பொருள்கள், ஏா்- ஸ்பிளிண்ட்டுகள், மடிக்கக்கூடிய மாற்றத்தக்க விரிப்புகள், ‘ஆம்பு’ பைகள், குளுக்கோமீட்டா், பல்ஸ் ஆக்ஸிமீட்டா், கையடக்க உறிஞ்சும் இயந்திரம், ஜிபிஎஸ் சாதனம் மற்றும் தகவல் தொடா்பு சாதனம் ஆகியவை இடம் பெற்றுள்ளன.

இந்தத் திட்டத்திற்கு  மிகுந்த ஆக்கப்பூா்வ வரவேற்பு இருப்பதால் தேசியத் தலைநகரில் இந்தச் சேவையை விரிவுபடுத்த அரசு திட்டமிட்டுள்ளதாக முதல்வா் கேஜரிவால் ஏற்கெனவே கூறியிருந்தாா். இதுகுறித்து அவா் மேலும் கூறுகையில், ‘தில்லியில் ஏராளமான மக்கள் அங்கீகரிக்கப்படாத காலனிகளில் அல்லது மிகவும் குறுகலாக இருக்கும் தெருக்ககளில் வசிக்கின்றனா். இந்த மக்களுக்குச் சிறந்த அவசர சுகாதார சேவையை எப்படி வழங்குவது குறித்து எனக்கு கவலை ஏற்பட்டது. இதை மனதில் கொண்டுதான் பைக் ஆம்புலன்ஸ் சேவை தொடங்கப்பட்டது. தில்லி அரசு இந்த சேவையை நகா் முழுவதற்கும் நீட்டிக்கத் திட்டமிட்டுள்ளது’ என்று தெரிவித்திருந்தாா்.