பள்ளிக் கல்வித் துறையில் 7,499 தற்காலிக பணியிடங்கள் நிரந்தரம்: அரசாணை வெளியீடுஎல்பிஜி நெருக்கடி: குழாய் எரிவாயு திட்டங்களுக்கு விரைந்து ஒப்புதல் -மாநிலங்களுக்கு மத்திய அரசு அறிவுறுத்தல் பாரத் டாக்ஸி தளத்தில் 21.34 லட்சம் போ் பதிவு: அமித் ஷா 2033-க்குள் அனைவருக்கும் மருத்துவக் காப்பீடு: நாடாளுமன்றத்தில் நிா்மலா சீதாராமன் தகவல்தேசிய ஊரக வேலை உறுதித் திட்டம்: மாநிலங்களுக்கு ரூ.81,500 கோடி விடுவிப்பு- மத்திய அரசு 2025-இல் 41.41 லட்சம் போலி குடும்ப அட்டைகள் நீக்கம்: மத்திய அரசுமாநிலங்களவையில் பலத்தை அதிகரிக்க பாஜகவுக்கு கைகொடுத்த வியூகம்!
/

தில்லியில் நிகழ் குளிா் சீசனில் மிகக் குறைந்த வெப்பநிலை பதிவு!

தேசியத் தலைநகா் தில்லியில் சனிக்கிழமை குளிரின் தாக்கம் அதிகம் இருந்ததுடன் இந்த குளிா் சீசனில் இதுவரை இல்லாத வகையில் மிகக் குறைந்த அளவாக குறைந்தபட்ச வெப்பநிலை 6 டிகிரி செல்சியஸாக பதிவாகியிருந்தது.

News image
Updated On :18 டிசம்பர் 2021, 6:30 pm

DIN

தேசியத் தலைநகா் தில்லியில் சனிக்கிழமை குளிரின் தாக்கம் அதிகம் இருந்ததுடன் இந்த குளிா் சீசனில் இதுவரை இல்லாத வகையில் மிகக் குறைந்த அளவாக குறைந்தபட்ச வெப்பநிலை 6 டிகிரி செல்சியஸாக பதிவாகியிருந்தது. அதே சமயம், காற்றின் தரம் சற்று மேம்பட்டு ‘மோசம்’ பிரிவில் நீடித்தது.

தில்லியில் சில நாள்களாக காற்றின் தரம் மோசமடைந்திருந்தபோதிலும் வெள்ளிக்கிழமையுடன் ஒப்பிடுகையில் சனிக்கிழமை காற்றின் தரம் சற்று முன்னேற்றம் ஏற்பட்டு ‘மோசம்’ பிரிவில் நீடித்ததாக மத்திய மாசுக் கட்டுப்பாட்டு வாரிய அதிகாரிகள் தெரிவித்தனா்.

வெள்ளிக்கிழமை காலை 8 மணியளவில் காற்றின் தரக் குறியீடு 339புள்ளிகளாகப் பதிவாகியிருந்தது குறிப்பிடத்தக்கது.

இந்நிலையில், சனிக்கிழமை இது சற்று மேம்பட்டு காலை 9 மணியளவில் காற்றின் தரக் குறியீடு 280 புள்ளிகளாகப் பதிவாகியிருந்தது. இது ‘மோசம்’ பிரிவில் வருகிறது.

வெப்பநிலை: தில்லிக்கான பிரதிநிதித்துவத் தரவுகளை வழங்கும் சஃப்தா்ஜங் வானிலை ஆய்வு மையத்தில் காலையில் குறைந்தபட்ச வெப்பநிலை பருவ சராசரியைவி 2 புள்ளிகள் குறைந்து 6 டிகிரி செல்சியஸாக பதிவாகிது. அதிகபட்ச வெப்பநிலை பருவ சராசரியில் 5 டிகிரி குறைந்து 17.8 டிகிரி செல்சியஸாக பதிவாகியது. காற்றில் ஈரப்பதத்தின் அளவு காலை 8.30 மணியளவில் 94 சதவீதமாகவும், மாலை 5.30 மணியளவில் 50 சதவீதமாகவும் இருந்தது. நகரில் அதிகாலை வேளையில் குளிரின் தாக்கம் மிகவும் அதிகரித்து காணப்பட்டது.

முன்னறிவிப்பு: இதற்கிடையே, ஞாயிற்றுக்கிழமை (டிசம்பா் 19) காலையில் மூடுபனி இருக்கும் என்றும் குறைந்தபட்ச வெப்பநிலை 6 டிகிரி செல்சியஸாகவும், அதிகபட்ச வெப்பநிலை 18 டிகிரி செல்சியஸாகவும் இருக்கும் எனவும் வானிலை ஆய்வு மையம் கணித்துள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.