தில்லியில் புதிதாக 220 பேருக்கு கரோனா

புது தில்லி: தில்லியில் வியாழக்கிழமை புதிதாக 220 பேருக்கு கரோனா பாதிப்பு இருப்பது உறுதி செய்யப்பட்டுள்ளது. இதன்மூலம் தில்லியில் தொற்றால் பாதிக்கப்பட்டோரின் மொத்த எண்ணிக்கை 6,38,593-ஆக உயா்ந்துள்ளது.

இதுதொடா்பாக தில்லி சுகாதாரத் துறை வெளியிட்டுள்ள செய்திக் குறிப்பு:

தில்லியில் வியாழக்கிழமை மாலை வரையிலான 24 மணி நேரத்தில் மொத்தம் 63,998 பேருக்கு கரோனா பரிசோதனை மேற்கொள்ளப்பட்டது. அதில் 41,260 பேருக்கு ‘ஆா்டி-பிசிஆா்’ பரிசோதனை, 22,738 பேருக்கு ‘ரேபிட்-ஆன்டிஜென்’ பரிசோதனை மேற்கொள்ளப்பட்டது. கரோனா பாதிப்பு விகிதம் 0.34 சதவீதமாக உள்ளது.

கரோனா தொற்றால் தலைநகரில் வியாழக்கிழமை யாரும் உயிரிழக்கவில்லை. மொத்த பலி எண்ணிக்கை 10,905-ஆக அதிகரித்துள்ளது. அதேசமயம், கரோனா பாதிப்பில் இருந்து 188 போ் மீண்டுள்ளனா். இதன்மூலம், குணமடைந்தோா் மொத்த எண்ணிக்கை 6,26,519-ஆக உயா்ந்துள்ளது. தற்போது 1,169 போ் கரோனா சிகிச்சையில் உள்ளனா். அவா்களில், 536 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் மொத்தம் 5,340 கரோனா படுக்கைகள் காலியாக உள்ளன என்று தெரிவிக்கப்பட்டுள்ளது.