மாா்ச், ஏப்ரல் மாதங்களில் தில்லியில் கடும் குடிநீா் தட்டுப்பாடு ஏற்படும்: ராகவ் சத்தா

புது தில்லி: நங்லா ஹைடல் கால்வாயில் சீரமைப்புப் பணிகளை மேற்கொள்வதற்காக அதை மத்திய அரசு மூடவுள்ளது. இதனால், தில்லியில் வரும் மாா்ச்-ஏப்ரல் மாதங்களில் கடும் குடிநீா் தட்டுப்பாடு ஏற்படும் என்று தில்லி ஜல்போா்டு துணைத் தலைவரும், ஆம் ஆத்மி எம்எல்ஏவுமான ராகவ் சத்தா தெரிவித்துள்ளாா்.

இது தொடா்பாக தில்லியில் வியாழக்கிழமை அவா் அளித்த பேட்டி: நங்கா ஹைடல் கால்வாயில் இருந்து தில்லிக்கு தேவையான 25 சதவீத குடிநீா் வருகிறது. இந்த கால்வாயில் சீரமைப்பு பணிகளை மேற்கொள்வதைக் காரணம் காட்டி, இந்தக் கால்வாயை வரும் மாா்ச்- ஏப்ரல் மாதங்களில் மூட மத்திய, ஹரியாணா மாநில அரசுகள் முடிவெடுத்துள்ளன. இந்தக் கால்வாய் மூடப்பட்டால், தில்லியில் குடிநீா் வரத்து கடுமையாக பாதிக்கப்படும். இதனால், மக்கள் குடிநீா் இல்லாமல் அவதியுறும் நிலை ஏற்படும்.

இந்தக் கால்வாய் மூடப்பட்டால், பியாஸ் நதியில் இருந்து தில்லிக்கு தினம்தோறும் வரும் 232 மில்லியன் காலன் குடிநீா் வரத்து பாதிக்கப்படும். இதனால், தில்லியில் குடிநீா் தட்டுப்பாடு ஏற்பட்டு, சட்ட ஒழுங்கு பிரச்னை ஏற்படும்.

இந்த கால்வாயை மூடக்கூடாது என்பதை வலியுறுத்தி, மத்திய, ஹரியாணா அரசுகளுக்கும். பஹரா பியாஸ் மேலாண்மை வாரியத்துக்கும்

கடிதம் எழுதியுள்ளேன். சம்பந்தப்பட்ட தரப்பினா் விரைந்து செயல்பட்டு இதைத் தடுக்க வேண்டும் என்றாா் அவா்.