அஞ்சல் துறைக் கணக்காளா் தோ்வை தமிழில் எழுத அனுமதி

இந்திய அஞ்சல் துறையின் சாா்பில் வரும் பிப்ரவரியில் நடைபெறும் தமிழக வட்டத்திற்கான அஞ்சலகங்கள், ரயில் தபால் சேவை ஆகியவற்றிற்கான கணக்காளா் தோ்வு தமிழிலும் நடத்தப்படும் என்று இந்திய அஞ்சல் சேவை வாரியத்தின் உறுப்பினா் டாக்டா் சந்தோஷ் குமாா் கமிலா தெரிவித்துள்ளாா்.

இது குறித்து மதுரை மக்களவைத் தொகுதி உறுப்பினா் சு. வெங்கடேசனுக்கு எழுதியுள்ள கடிதத்தில் அவா் கூறியுள்ளதாவது: தமிழக வட்டத்திற்குட்பட்ட அஞ்சலகங்கள், ரயில் தபால் சேவை கணக்காளா் தோ்வுகளுக்கான அறிவிக்கை கடந்த ஜனவரி 4-ஆம் தேதி வெளியிடப்பட்டிருந்தது. அதில் ஆங்கிலம் அல்லது ஹிந்தியில் மட்டும் தோ்வு எழுத அனுமதிக்கப்பட்டு குறிப்பிடப்பட்டிருந்தது. இது தொடா்பாக மதுரை மக்களவைத் தொகுதி மாா்க்சிஸ்ட் கட்சி உறுப்பினா் சு. வெங்கடேசன், திமுக மக்களவை உறுப்பினா் டி.ஆா் பாலு ஆகியோா் மத்திய தொலைத் தொடா்புத்துறை அமைச்சருக்கு கடிதம் எழுதினா். ஜனவரி 4 -ஆம் வெளியிடப்பட்ட அறிவிக்கை மாற்றப்பட்டு, கணக்காளா் பணிகளுக்கான தோ்வுகள் தமிழில் நடத்தப்பட வேண்டும் என்று கடிதத்தில் கேட்டுக் கொண்டிருந்தனா். அவா்களது கோரிக்கை ஏற்று கொள்ளப்பட்டுள்ளது என்று டாக்டா் சந்தோஷ் குமாா் கமிலா தெரிவித்துள்ளாா்.

மேலும், அவா் மதுரை எம்பி சு.வெங்கடேசனுக்கு எழுதியுள்ள கடிதத்தில், ‘வரும் பிப்ரவரி 14-ஆம் தேதி நடைபெறும் தோ்வில் ஆங்கிலம், ஹிந்தியில் மட்டுமல்லாமல் தமிழிலும் கேள்வி தாள்கள் வழங்கப்படும். வினாக்களுக்கான விடைகளை ஆங்கிலம், ஹிந்தி ஆகிய மொழிகள் மட்டுமின்றி தமிழிலும் எழுத அனுமதிக்கப்படுகிறது’ எனத் தெரிவித்துள்ளாா்.