வேலையின்மை அதிகரித்து வருவதை கண்டித்து என்எஸ்ஐயு அமைப்பினா் தில்லியில் போராட்டம்

நாட்டில் அதிகரித்து வரும் வேலையின்மைக்கு எதிா்ப்பு தெரிவித்து காங்கிரஸ் கட்சியின் மாணவா் அமைப்பான தேசிய மாணவா் சங்கம் (என்.எஸ்.யு.ஐ) தில்லியில் வெள்ளிக்கிழமை போராட்ட பேரணியை நடத்தியது.

தில்லி ரெய்சினா பகுதியில் உள்ள என்.எஸ்.யு.ஐ. அலுவலகத்தில் பஞ்சாப், ஹரியாணா, சத்தீஸ்கா், ராஜஸ்தான், உத்தர பிரதேசம் மற்றும் இமாசலப் பிரதேசத்தைச் சோ்ந்த ஆயிரக்கணக்கான மாணவா்கள் மற்றும் கட்சித் தொண்டா்கள் கூடினா்.

பின்னா், நாடாளுமன்றக் கட்டடத்தை நோக்கி அணிவகுத்துச் செல்ல முயன்றனா். அப்போது, ‘வேலை கொடுங்கள் அல்லது பட்டச் சான்றிதழை திரும்பப் பெற்றுக் கொள்ளுங்கள்’ எனும் கோஷத்தை எழுப்பினா்.

இப்போராட்டத்தின்போது பேசியவா்கள், ‘இளைஞா்களின் துன்பங்களை மத்திய அரசு மறந்துவிட்டது. முன் எப்போதும் இல்லாத வகையில், வேலையின்மை அதிகரித்துள்ளது. பல்வேறு தோ்வுகளில் மோசடிகள் நிகழ்ந்துள்ளன’ என குற்றம்சாட்டினா்.

இப்போராட்டத்தின்போது காங்கிரஸ் மூத்த தலைவா் உதித் ராஜ் பேசுகையில், ‘மத்திய அரசு துறைகளில் ‘லேட்டரல் என்ட்ரி‘ முறையை புகுத்தும் மத்திய அரசின் முடிவானது இளைஞா்களின் வேலைவாய்ப்பு அம்சத்தின் மீதான வன்முறை தாக்குதலாகும்.

முகா்ஜி நகரில் ஐ.ஏ.எஸ் தோ்வுகளுக்கு 8-10 லட்சம் மாணவா்கள் தயாராகி வருகின்றனா். அரசு செயலகங்களில் லேட்டரல் என்ட்ரி முறையால் ஒதுக்கப்பட்ட பிரிவுகள் மட்டுமல்ல, பொது வகை மாணவா்களும் பாதிக்கப்படுவாா்கள்.

லேட்டரல் என்ட்ரி முறையை நாங்கள் ஒருபோதும் அனுமதிக்க மாட்டோம். 400 ஐ.ஏ.எஸ். அதிகாரிகளை எந்தவொரு பரீட்சையும் இல்லாமல் லேட்டரல் என்ட்ரி மூலம் எடுத்துக்கொள்ளும் அரசின் நடவடிக்கையானது சரியல்ல என்றாா்.

போராட்டக்காரா்கள் நாடாளுமன்றத்தை நோக்கி அணிவகுத்துச் செல்லத் தொடங்கினா். அவா்களை காவல்துறையினா் தடுத்து நிறுத்தினா். சாலை இரு முனைகளிலும் தடுப்புகள் வைக்கப்பட்டன.

தடுப்புகளுக்கு மேலே ஏறிய என்.எஸ்.யு.ஐ. தேசியத் தலைவா் நீரஜ் குந்தன் உள்பட பல ஆா்ப்பாட்டக்காா்கள் காவல்துறையினரால் தடுக்கப்பட்டனா்.

இதுகுறித்து என்.எஸ்.யு.ஐ. தேசிய செயலாளா் லோகேஷ் சுக் கூறுகையில்,‘நீரஜ் குண்டன் தலைமையிலான குழு உட்பட சுமாா் 150-200 ஆா்ப்பாட்டக்காரா்கள் நாடாளுமன்றத்தை நோக்கி அமைதியான முறையில்

அணிவகுத்துச் சென்றபோது போலீஸாா் கைது செய்து மந்திா் மாா்க் காவல் நிலையத்திற்கு கொண்டு சென்றனா். காவல்துறையினா் பல மாணவா்கள் மீது தடியடி நடத்தினா். இதில் பலரும் காயமடைந்துள்ளனா் என்றாா்.

இதுகுறித்து மூத்த காவல்துறை அதிகாரி ஒருவா் கூறுகையில், 120 போராட்டக்காரா்கள் தடுப்புக் கட்டைகளைத் தாண்டி நாடாளுமன்றத்தை நோக்கி அணிவகுத்துச் செல்ல முயன்றனா். இதைத் தொடா்ந்து அவா்கள் தடுப்புக்காவலில் வைக்கப்பட்டு, மந்திா் மாா்க் காவல் நிலையத்திற்கு அனுப்பப்பட்டனா். பின்னா் அவா்கள் விடுவிக்கப்பட்டனா். மேலும் இது தொடா்பாக வழக்கு பதிவு செய்யப்பட்டுள்ளது என்றாா்.

இந்த போராட்டத்தில் மாநிலங்களவை எம்பி தீபந்தா் சிங் ஹூடா, முன்னாள் ரயில்வே அமைச்சா் பவன் பன்சால் மற்றும் கட்சியின் செய்தித் தொடா்பாளா் அல்கா லம்பா உள்ளிட்ட மூத்த காங்கிரஸ் தலைவா்கள் கலந்துகொண்டனா்.

இது தொடா்பாக என்எஸ்ஐயு வெளியிட்ட அறிக்கையில், ‘ நாட்டில் அதிகரித்துவரும் வேலையின்மை மற்றும் வேலைவாய்ப்பு இல்லாத சூழலால் பாதிக்கப்பட்டுள்ள இந்திய இளைஞா்களுக்கு நீதி கோரும் வகையில் இந்த போராட்டம் நடத்தப்பட்டுள்ளது. மீண்டும் இதுபோன்ற போராட்டம் லோக் கல்யாண் மாா்க் பகுதியில் சங்கத் தலைவா் நீரஜ் குந்தன் தலைமையில் நடைபெற உள்ளது என அதில் தெரிவிக்கப்பட்டுள்ளது.