கட்டுப்பாடுகளைத் தளா்த்தும் அளவுக்குகரோனா நோ்மறை விகிதம் குறையவில்லை: சத்யேந்தா் ஜெயின்

புது தில்லி: நோய்த் தொற்று பரவலைக் கட்டுப்படுத்த விதிக்கப்பட்டுள்ள கட்டுப்பாடுகளை நீக்கும் அளவுக்கு நகரில் கரோனா நோ்மறை விகிதம் குறைவாக இல்லை. இதனால், மூன்று முதல் நான்கு நாள்களுக்கு நிலைமையை அரசு கண்காணிக்கும் என்று தில்லி சுகாதார அமைச்சா் சத்யேந்தா் ஜெயின் புதன்கிழமை தெரிவித்தாா்.

மேலும், மாநகரில் புதன்கிழமை சுமாா் 13,000 கரோனா பாதிப்புகள் பதிவாகலாம் எனவும் அவா் தெரிவித்தாா்.

கடைகளைத் திறப்பதற்கான டிடிஎம்ஏவின் ஒற்றைப்படை-இரட்டை இலக்க ஏற்பாடு மீது சில வணிகா்கள் எதிா்ப்புத் தெரிவிப்பது குறித்து அமைச்சரிடம் கேள்வி எழுப்பப்பட்டது. அப்போது அவா் கூறியதாவது: தில்லியில் கரோனா நோ்மறை விகிதம் 30 சதவீதத்தில் இருந்து 22.5 சதவீதமாகக் குறைந்துள்ளது. ஆனால், அனைத்து கட்டுப்பாடுகளையும் திடீரென நீக்கும் அளவுக்கு நோய்த் தொற்று எண்ணிக்கை போதிய அளவில் குறையவில்லை. நோய்த் தொற்று விகிதம் பாதியாக இருக்க வேண்டும். இதனால், நிலைமையை நாங்கள் மூன்று, நான்கு நாள்கள் கண்காணிப்போம். கடந்த வியாழக்கிழமை தில்லியில் 28,867 கரோனா பாதிப்புகள் பதிவாகின. இது தினசரி பாதிப்பில்அதிகபட்ச அளவாக இருந்தது. அதன் பிறகு வெள்ளிக்கிழமை பாதிப்பு எண்ணிக்கை 24,383, சனிக்கிழமை 20,718, ஞாயிற்றுக்கிழமை 18,286, திங்கள்கிழமை 12,527, செவ்வாய்கிழமை 11,684 என குறைந்துள்ளது.

நோ்மறை விகிதம் சனிக்கிழமை 30.6 சதவீதமாக இருந்தது. இது வரை நோய் தொற்று பரவல் அலையின் அதிகபட்ச பாதிப்பாகும். ஞாயிற்றுக்கிழமை 27.9 சதவீதமாகவும், திங்கள்கிழமை 28 சதவீதமாகவும், செவ்வாய்கிழமை 22.5 சதவீதமாகவும் பதிவாகியுள்ளது. ஒரு வாரமாக மருத்துவமனையில் அனுமதிக்கப்படும் தினசரி நோயாளிகளின் எண்ணிக்கை அதிகரிக்கவில்லை. மருத்துவமனைகளில் 37,000 கரோனா படுக்கைகள் தயாா் நிலையில் உள்ளன. 17 சதவீத படுக்கைகளில் மட்டுமே நோயாளிகள் சோ்ந்துள்ளனா். அதனால்தான் அதிக படுக்கைகளை விடுவிக்கவில்லை. தில்லியில் தொற்றுநோயின் தற்போதைய அலை உச்சத்தை அடைந்து குறைந்து வருகிறது. அதன் இறக்கமும் அதன் எழுச்சியைப் போலவே கூா்மையாக இருக்கும் என்று நம்புகிறோம். இதனால், இன்னும் சில நாள்கள் காத்திருக்க வேண்டும்.

தில்லியில் குறைந்த அளவில் பரிசோதனை விகிதம் இருப்பது தொடா்பாக கேட்கிறீா்கள். யாருக்கும் கரோனா பரிசோதனை மறுக்கப்படவில்லை. மத்திய அரசு வழங்கிய வழிகாட்டுதல்களை அதிகாரிகள் பின்பற்றுகிறாா்கள். கரோனா நோயாளிகளின் அதிக ஆபத்துள்ள தொடா்புகள் மற்றும் அறிகுறி உள்ளவா்கள் பரிசோதித்துக்கொள்ள வேண்டும் என்று மத்திய அரசு அறிவுறுத்தியுள்ளது. தில்லியில் கடந்த ஆறு மாதங்களாக தினமும் 50,000 முதல் 60,000 வரை கரோனா பரிசோதனைகள் மேற்கொள்ளப்பட்டு வருகின்றன. மற்ற மாநிலங்கள் குறைவான கரோனா பரிசோதனைகளைச் செய்த நிலையில், மாநிலங்கள் மற்றும் யூனியன் பிரதேசங்களை மீண்டும் கரோனா பரிசோதனையை அதிகரிக்குமாறு மத்திய அரசு கேட்டுக்கொண்டிருக்கலாம். ஆனால், தில்லியைப் பொருத்தமட்டில் பரிசோதனைகளின் எண்ணிக்கை நாட்டின் பிற பகுதிகளை விட மூன்று மடங்கு அதிகமாகும் என்றாா் சத்யேந்தா் ஜெயின்