முன்னோடி திட்டத்தின் கீழ் தலைநகரில் 25 மாநகராட்சிப் பள்ளிகள் தரம் உயா்த்தப்படும்: துணைநிலை ஆளுநா்

தில்லி மாநகராட்சி பள்ளிகளில் கற்பித்தல் தொழில்நுட்பம் மற்றும் தளவாட உள்கட்டமைப்பு வசதியை தரம் மேம்படுத்துவதற்காக முன்னோடித் திட்டமாக 25 பள்ளிகள் அடையாளம் காணப்பட்டுள்ளதாக தில்லியின் துணைநிலை ஆளுநா் வி.கே. சக்சேனா தெரிவித்துள்ளாா்.

அசோக் விஹாா் பகுதியில் எச்- பிளாக்கில் உள்ள நகா் நிகம் பா்திபா வித்யாலயா பள்ளிக்கு துணைநிலை ஆளுநா் வி.கே. சக்சேனா சனிக்கிழமை நேரில் சென்றாா். அவருடன் தில்லி மாநகராட்சி உயா் அதிகாரிகளும் சென்றனா். இந்த ஆய்வு தொடா்பாக துணைநிலை ஆளுநரின் ராஜ் நிவாஸ் அலுவலகம் வெளியிட்டுள்ள செய்திக்குறிப்பில் தெரிவித்திருப்பதாவது: தில்லி மாநகராட்சி மற்றும் அதன் கீழ் உள்ள நிறுவனங்களை புதிய தரநிலைக்கு எடுத்துச் செல்லும் திட்டத்தை முன்னெடுக்கும் வகையில் துணைநிலை ஆளுநா் வி.கே. சக்சேனா இந்த ஆய்வை மேற்கொண்டாா்.

அப்போது மாநகராட்சிப் பள்ளியில் உள்ள ஆசிரியா்கள், ஊழியா்கள் இடையே துணைநிலை ஆளுநா் பேசுகையில் ‘மாநகராட்சியால் நடத்தப்படும் பள்ளிகளை சிறந்த கற்பித்தல் தொழில்நுட்பம் மற்றும் உள்கட்டமைப்பு வசதியை அளிப்பதன் மூலம் சிறந்த நிலையை எட்டுவதற்கான நடவடிக்கைகள் எடுக்கப்படும். இந்த நோக்கத்திற்காக முன்னோடித் திட்டமாக 25 பள்ளிகள் ஏற்கனவே அடையாளம் காணப்பட்டுள்ளன. இதற்கான பணிகள் விரைவில் அப்பள்ளிகளில் மேற்கொள்ளப்பட உள்ளன.

இது போன்ற நடவடிக்கைகள் தில்லி மாநகராட்சி மூலம் நடத்தப்படும் இதர எஞ்சியுள்ள அனைத்துப் பள்ளிகளிலும் படிப்படியாக மேற்கொள்ளப்படும். அதே போல, உகந்த பணிச் சூழலை அளிப்பதற்கான அனைத்து நடவடிக்கைகளும் எடுக்கப்படும். ஆக்கப்பூா்வமாக தங்களை தயாா்படுத்திக் கொண்டு ஆசிரியா்கள் பணியாற்ற வேண்டும். அப்போதுதான் சக மாணவா்களுக்கு இணையான வகையில் கல்வி ரீதியாகவும் மன ரீதியாகவும் மாணவா்களை உருவாக்க முடியும்’ என்று துணைநிலை ஆளுநா் கூறினாா்.

மேலும், பள்ளி வளாகத்தை சுற்றி பாா்வையிட்ட துணைநிலை ஆளுநா், பள்ளி வளாகத்தின் பொது பராமரிப்பை பாராட்டினாா். மேலும், தினசரி அடிப்படையில் தூய்மையை பராமரிப்பதை உறுதிப்படுத்த வேண்டும் என்றும் அவா் அறிவுறுத்தினாா். அதே போன்று உடைந்த வகுப்பறை மரச்சாமான்களை மாற்றவும், சமீபத்திய பொருத்தமான ஆதாரவளங்களுடன் நூலகத்தை மேம்படுத்தவும் அவா் கேட்டுக் கொண்டதாக அந்த செய்திக்குறிப்பில் தெரிவிக்கப்பட்டுள்ளது.