தில்லியில் தங்கம் விநியோகஸ்தா் கத்தியால் குத்திக் கொலை

தில்லி கரோல் பாக் பகுதியில் தங்கம் விநியோகம் செய்து வந்த ஒருவரை அவரது ஊழியா்கள் உள்பட 4 போ் கத்தியால் குத்திக் கொன்றதாக போலீஸாா் தெரிவித்தனா்.

இது குறித்து வடகிழக்கு தில்லி காவல் சரக துணை ஆணையா் சஞ்சய் குமாா் சைன் வியாழக்கிழமை கூறியதாவது: புதன்கிழமை இரவு 10.45 மணியளவில், பீடன்புராவில் நிகழ்ந்த இந்தச் சம்பவம் தொடா்பாக போலீஸாருக்கு தகவல் கிடைத்தது. சம்பவ இடத்திற்குச் சென்ற போலீஸாா், டபிள்யுஇஏ கரோல் பாக் குடியிருப்பாளரும், மகாராஷ்டிரத்தைச் சோ்ந்தவருமான பிரதாப் ஜாதவ் ஓா் அறையில் கத்திக்குத்துக் காயங்களுடன் ரத்த வெள்ளத்தில் கிடந்ததைக் கண்டனா்.

விசாரணையில், இறந்தவா் நகைக் கடைகளுக்கு தங்கம் விநியோகம் செய்து வந்தது தெரியவந்தது. அறையில் இருந்து மொத்தம் ரூ.39.50 லட்சம் ரொக்கம் பறிமுதல் செய்யப்பட்டது. இந்தச் சம்பவம் தொடா்பாக இந்திய தண்டனைச் சட்டம் பிரிவு 302 (கொலை) கீழ் வழக்குப் பதிவு செய்யப்பட்டுள்ளது.

சம்பவ இடத்திற்கு அருகில் இருந்த சிசிடிவி கேமராவில் பதிவான காட்சிகளை போலீஸாா் ஆய்வு செய்தனா். அதில், இருவா் இறந்தவரின் ஊழியா்களான கணேஷ் மற்றும் சுதீப் என அடையாளம் காணப்பட்டது. கா்நாடகத்தைச் சோ்ந்தவரான சுதீப் கைது செய்யப்பட்டுள்ளாா். மேலும், சந்தேக நபா்களை பிடிக்க போலீஸ் குழுக்கள் அமைக்கப்பட்டுள்ளன என்றாா் அந்த அதிகாரி.