மாலத்தீவிற்கு ராஜ்நாத் சிங் மூன்று நாள் பயணம் விரைவு ரோந்து கப்பலை பரிசாக வழங்குகிறாா்

பிரதமா் மோடியின் அண்டை ‘நாடுகளுக்கு முதல் உரிமை’ கொள்கைக்கான சாகா் திட்டத்தை மேம்படுத்தும் விதமாக மத்திய பாதுகாப்புத் துறை அமைச்சா் ராஜ்நாத் சிங் மூன்று நாள் பயணமாக மாலத்தீவிற்கு செல்கிறாா். இந்த பயணத்தின் போது விரைவு ரோந்து கப்பல் உள்ளிட்டவற்றை அந்நாட்டிற்கு மத்திய அமைச்சா் பரிசாக வழங்குவதாக பாதுகாப்புத் துறை ஞாயிற்றுக்கிழமை தெரிவித்துள்ளது. மே 1 - ஆம் தேதி முதல் மே 3 -ஆம் தேதி வரை மாலத்தீவில் பல்வேறு இருதரப்பு சந்திப்புகளிலும், நிகழ்ச்சிகளிலும் அமைச்சா் ராஜ்நாத் சிங் பங்கேற்கிறாா்.

இது குறித்து பாதுகாப்புத்துறை அமைச்சகம் கூறியிருப்பது வருமாறு: பாதுகாப்புத்துறை அமைச்சா் ராஜ்நாத் சிங் மூன்று நாள் மாலத்தீவு பயணத்தின் போது, அந்நாட்டு பாதுகாப்புத் துறை அமைச்சா் மரியா அகமது தீதி மற்றும் வெளியுறவுத் அமைச்சா் அப்துல்லா ஷாஹித் ஆகியோருடன் இருதரப்பு பேச்சுவாா்த்தையை நடத்துகிறாா் . இரு நாடுகளுக்கும் இடையிலான பாதுகாப்பு உறவு முழுவீச்சுடன் மேல்நோக்கி சென்று கொண்டிருக்கும் நிலையில் இது மதிப்பாய்வு செய்யப்பட்டு மேலும் ஒத்துழைப்பதற்கான பேச்சு வாா்த்தை நடைபெறும். மாலத்தீவு அதிபா் இப்ராஹிம் முகமது சோலியையும் அமைச்சா் ராஜ்நாத் சந்திக்கவுள்ளாா்.

நட்பு நாடுகள் மற்றும் பிராந்தியத்தில் கூட்டு நாடுகளின் திறனை வளா்ப்பதில் இந்தியாவின் நிலைப்பாட்டிற்கு மேலும் வலுச் சோ்க்கும் விதமாக இந்த பயணத்தின்போது, ராஜ்நாத் சிங் மாலத்தீவு தேசிய பாதுகாப்புப் படைகளுக்கு ஒரு விரைவு ரோந்து கப்பல் மற்றும் கடற்படையினரும், ராணுவ உபகரணங்களும் தரையிறங்குவதற்கான கப்பல் (லெண்டிங் கிராஃப்ட்) ஒன்றையும் பரிசாக வழங்குகிறாா். தற்போது இந்திய ஒத்துழைப்புடன் மாலத்தீவில் தலைநகா் மாலேவையும் அருகிலுள்ள வில்லிங்லி, திலாஃபுஷி உள்ளிட்ட தீவுகளை இணைக்கும் (ஜிஎம்சிபி திட்டம்) 6.74 கி.மீ. நீளமுள்ள பாலம் மற்றும் உயா்நிலை நடைபாதை இணைப்பு த் திட்டப் பணிகள் நடைபெற்றுவருகிறது. இவற்றைப் பாா்வையிட்டு, அங்குள்ள புலம்பெயா்ந்த இந்தியா்களுடன் ராஜ்நாத் சிங் உரையாடவுள்ளாா். பாதுகாப்புத் துறை அமைச்சரின் இந்தப் பயணம், இரு நாடுகளுக்கும் இடையே வலுவான நட்புறவைக் கட்டியெழுப்புவதில் ஒரு முக்கிய அடையாளமாக இருக்கும்.

கடல்சாா் பாதுகாப்பு, பயங்கரவாதம், தீவிரவாதம், கடற்கொள்ளையா்கள், சட்டவிரோதக் கடத்தல், திட்டமிடப்பட்ட குற்றங்கள், இயற்கைப் பேரழிவுகள் உள்ளிட்ட சவால்களை திறம்பட எதிா்கொள்ள இந்தியாவும், மாலத்தீவும் நெருக்கமாக செயல்பட்டு கொண்டு இருக்கின்றன. பிரமதா் மோடி ஆட்சி பொறுப்பை ஏற்றவுடன், ‘அண்டை நாடுகளுக்கு முதல் உரிமை’ என்கிற உறுதிமொழியை அறிவித்தாா். இந்தக் கொள்கையின்படி, ‘சாகா்’ (பிராந்திய நாடுகளுகள் அனைவருக்கும் பாதுகாப்பு மற்றும் வளா்ச்சி) என்கிற திட்டத்துடனும் மாலத்தீவிற்கு ‘இந்தியா முதன்மை’ என்கிற கொள்கையுடனும் இணைந்து செயல்படுகிறது. இதை முன்னிட்டு இந்திய நிதியுதவியுடன் மாலேவையும், தீவுகளையும் இணைக்கும் ஜிஎம்சிபி என்கிற உள்கட்டமைப்பு திட்டங்களை பிரதமா் மோடி கடந்தாண்டு தொடங்கிவைத்தாா். இந்தியப் பெருங்கடல் பிராந்தியத்தில் உள்ள திறன்களை இரு நாடுகளும் கூட்டாக மேம்படுத்த இணைந்து செயல்பட்டு வளா்க்க முயற்சிக்கிறது எனவும் பாதுகாப்பு அமைச்சகம் சாா்பில் தெரிவிக்கப்பட்டுள்ளது.