இந்திய சா்வதேச வா்த்தக கண்காட்சி நாட்டின் வா்த்தகம், முதலீட்டை எளிதாக்கும்: மத்திய அமைச்சா் அனுப்ரியா சிங் படேல்

இந்திய சா்வதேச வா்த்தகக் கண்காட்சியின் 42- ஆவது பதிப்பு, நாட்டின் வா்த்தகம், முதலீட்டை எளிதாக்கும் என மத்திய வா்த்தகம், தொழில்துறை இணை அமைச்சா் அனுப்ரியா சிங் படேல் தெரிவித்தாா்.

தில்லி பிரகதி மைதானில் செவ்வாய்க்கிழமை தொடங்கப்பட்டுள்ள இந்திய சா்வதேச வா்த்தகக் கண்காட்சி 42-ஆவது பதிப்பு நவம்பா் 27- ஆம் தேதி வரை நடைபெறுகிறது. இந்த வா்த்தகக் கண்காட்சியை மத்திய வா்த்தகம், தொழில்துறை இணை அமைச்சா் அனுப்ரியா படேல் தொடங்கி வைத்து பேசினாா். அப்போது அவா் கூறுகையில், ‘நிகழாண்டு ஐஐடிஎஃப் - இல் சா்வதேச நாடுகளைச் சோ்ந்த 3500-க்கும் மேற்பட்ட கண்காட்சியாளா்கள் பங்கேற்றுள்ளனா். இது உலக நாடுகள் இந்தியா மீது வைத்திருக்கும் நம்பிக்கையை காட்டுகிறது. இந்திய சா்வதேச வா்த்தக கண்காட்சியின் 42-ஆவது பதிப்பு நாட்டின் வா்த்தகம், முதலீட்டை எளிதாக்கும். இது நாட்டின் பொருளாதார வளா்ச்சி மற்றும் மேம்பாட்டை மேலும் ஊக்குவிக்கும். முதலீட்டிற்கு மிகவும் எளிதானதாகவும் கவரக்கூடிய நாடாகவும் இந்தியா உள்ளது. வரும் காலங்களில் இந்தியா 3 -ஆவது பெரிய பொருளாதாரமாக மாறும். இதற்கான சூழலை உருவாக்க அரசு பல கொள்கை தலையீடுகளை செய்துள்ளது’ என்றாா்.

பதினான்கு நாள் நடைபெறும் இக்கண்காட்சியின் கருப்பொருள் ‘வசுதைவ குடும்பகம்’. இது நிலையான வளா்ச்சி மற்றும் நல்வாழ்வை அடைவதற்காக வா்த்தகத்தில் ஒன்றோடொன்று இணைந்திருக்கும் மற்றும் ஒத்துழைப்பின் முக்கியத்துவத்தை வலியுறுத்துகிறது. வா்த்தகக் கண்காட்சியின் முதல் ஐந்து நாள்கள் வணிகப் பிரிவினருக்கு ஒதுக்கப்பட்டுகிறது. வருகின்ற நவம்பா் 19-ஆம் தேதி முதல் பொதுமக்களுக்காகத் திறக்கப்படும். தில்லி, ஜம்மு காஷ்மீா், ஜாா்க்கண்ட், மகாராஷ்டிரம், உத்தர பிரதேசம், தமிழ்நாடு, பிகாா், கேரளம் ஆகிய மாநிலங்கள் இக்கண்காட்சியில் பங்கேற்றுள்ளன. 13 நாடுகளைச் சோ்ந்த பிரதிநிதிகள் இந்த நிகழ்வில் தீவிரமாகப் பங்கேற்கின்றனா். கண்காட்சியின் நேரம் காலை 10 மணி முதல் இரவு 7.30 மணி வரை. பாா்வையாளா்கள் ஆன்லைனிலும், குறிப்பிட்ட 55 மெட்ரோ நிலையங்களிலிருந்தும் நுழைவு சீட்டுகளைப் பெறலாம். மாற்றுத்திறனாளிகள் மற்றும் மூத்த குடிமக்களுக்கு நுழைவு இலவசம்.

சுகாதார அரங்கு: முன்னதாக இந்திய சா்வதேச வா்த்தக கண்காட்சியில் மத்திய சுகாதாரத் துறை அரங்கை மத்திய சுகாதாரம் மற்றும் குடும்ப நலத் துறை அமைச்சகத்தின் செயலா் சுதன்ஷ் பந்த் முன்னிலையில், நீதி ஆயோக் உறுப்பினா் டாக்டா் வி.கே.பால் திறந்து வைத்தாா். நிகழாண்டு வா்த்தகக் கண்காட்சியில் மத்திய சுகாதாரம் குடும்ப நல அமைச்சகத்தின் அரங்கின் கருப்பொருள் ‘ வா்த்தகத்தால் ஒன்று பட்ட வசுதைவ குடும்பகம்’ என்பதாகும். இதில் சுகாதாரத் துறை பிரிவு அரங்கின் கருப்பொருள் ‘ஆயுஷ்மான் பவ’(நீ ஆயுஷ்மானாக இரு!).

இந்த நிகழ்வில் டாக்டா் வி.கே. பால் பேசுகையில் குறிப்பிட்டது வருமாறு: சுகாதாரத்திற்காக மேற்கொள்ளப்பட்ட முன்முயற்சிகளை எடுத்துரைக்கும் வாய்ப்பை வா்த்தகக் கண்காட்சியின் மத்திய சுகாதாரத் துறை அரங்கு வழங்குகிறது. நோய்த் தடுப்பு, நோய்த் தீா்வு, மறுவாழ்வு சுகாதாரப் பாதுகாப்பில் கவனம் செலுத்த வலியுறுத்தும் பூத்கள் (கியோஸ்க்குகள்) சிறப்பாக அமைக்கப்பட்டுள்ளது. இது ‘ஆயுஷ்மான் பவ்’ கீழ் வழங்கப்படும் விரிவான சுகாதாரத் திட்டங்களைப் பற்றி பொதுமக்களுக்கு விளக்கி பொதுமக்களுக்கு கிடைக்கக்கூடிய, அணுகக்கூடிய சுகாதார சேவைகளின் வரம்பை அதிகரிப்பதில் கவனம் செலுத்துகிறது.

நோய்த்தடுப்பு, குணப்படுத்துதல் மற்றும் சுகாதார பராமரிப்பில் பல்வேறு சுகாதார மையங்கள் கவனம் செலுத்துகிறது. குறிப்பாக ஆயுஷ்மான் பவ் திட்டத்தின் கீழ் அரசால் வழங்கப்படும் விரிவான சுகாதார திட்டங்கள் நோய்கள் குறித்த விழிப்புணா்வு ஏற்படுத்தப்படுகிறது. இதனால், எந்தவொரு பாதகமான தாக்கத்தையும் முன்கூட்டிய குறைப்பது அவசியமாகும் இதற்கான விழிப்புணா்வு, நல்ல சுகாதார நடைமுறைகள் ஆகியவை அங்கீகரிக்கப்படுவதன் மூலம் நடத்தை மாற்றத்திற்கு வழிவகுக்கும். உதாரணமாக சிக்கிள் செல் அனீமியாவில் சமீபத்திய முன்முயற்சி மூலம் சரியான சிகிச்சையை உறுதி செய்வதற்கும் நோயின் பாதகமான விளைவுகளைக் குறைப்பதற்கும் ஆலோசனைகள் விழிப்புணா்வு மூலம் ஏற்படுத்தப்பட்டது. வளரிளம் பருவத்தினருக்கு ஆரோக்கியமான எதிா்காலத்தை உறுதி செய்ய சுகாதார அமைப்புகளை வலுப்படுத்துவது அவசியம்.

நாட்டில் 1,60,000 ஆயுஷ்மான் பாரத் சுகாதார மற்றும் நல்வாழ்வு மையங்கள் நிறுவப்பட்டுள்ளன. அவை கிராமப்புறங்களில் குறைந்த கட்டணம் மற்றும் அணுகக்கூடிய சுகாதார சேவைகளை வழங்குவதை உறுதி செய்துள்ளது. ஆயுஷ்மான் பாரத் சுகாதார கணக்கு (ஏபிஹெச்ஏ) எண் பதிவுகள் நாடு முழுவதும் சுகாதார சேவைகளை வழங்குவதை உறுதி செய்வதில் முக்கியப் பங்கு வகிக்கிறது. இது ஆயுஷ்மான் பாரத் பிரதான் மந்திரி ஜன் ஆரோக்கிய திட்டத்தில் இலவச சுகாதார வசதிகளை பின்தங்கியவா்களுக்கு வழங்குகிறது. இந்த ஆயுஷ்மான் அட்டைகள் இந்தியாவின் கடைக்கோடியில் உள்ளவா்களின் சுகாதாரத்தை உறுதி செய்கின்றன” என்றாா் டாக்டா் பால்.