செய்தி மடல்
இ-பேப்பர்
/
மக்களவைத் தோ்தலில் போட்டியிடும் 111 போ் அடங்கிய பாஜக வேட்பாளா்களின் 5-ஆவது பட்டியல் ஞாயிற்றுக்கிழமை வெளியிடப்பட்டது. அக்கட்சி சாா்பில் கேரளத்தின் வயநாடு தொகுதியில் காங்கிரஸ் எம்.பி. ராகுல் காந்திக்கு எதிராக பாஜக மாநிலத் தலைவா் கே.சுரேந்திரன் வேட்பாளராக அறிவிக்கப்பட்டுள்ளாா்.
ஹிமாசல பிரதேசத்தின் மண்டி தொகுதி பாஜக வேட்பாளராக ஹிந்தி திரைப்பட நடிகை கங்கனா ரணாவத் போட்டியிட உள்ளாா். மக்களவைத் தோ்தல் ஏப்.19-ஆம் தேதி தொடங்கி 7 கட்டங்களாக நடைபெற உள்ளது. இதில் போட்டியிடும் 111 போ் அடங்கிய பாஜக வேட்பாளா்களின் 5-ஆவது பட்டியல் ஞாயிற்றுக்கிழமை வெளியிடப்பட்டது.
மத்திய கல்வி அமைச்சா்...: இந்தப் பட்டியலின்படி, ஒடிஸா மாநிலம் சம்பல்பூரில் மத்திய கல்வித் துறை அமைச்சா் தா்மேந்திர பிரதான், அந்த மாநிலத்தில் உள்ள புரி தொகுதியில் பாஜக செய்தித் தொடா்பாளா் சம்பித் பத்ரா ஆகியோா் போட்டியிடுகின்றனா். பிகாரில் உள்ள பாட்னா சாஹிப் தொகுதி வேட்பாளராக முன்னாள் மத்திய அமைச்சா் ரவிசங்கா் பிரசாத் அறிவிக்கப்பட்டுள்ளாா். மேனகா காந்திக்கு மீண்டும் வாய்ப்பு: உத்தர பிரதேசத்தில் உள்ள சுல்தான்பூா் தொகுதியில் போட்டியிட மேனகா காந்திக்கு மீண்டும் வாய்ப்பு அளிக்கப்பட்டுள்ளது.
வருண் இடம்பெறவில்லை: இந்தப் பட்டியலில் மேனகா காந்தியின் மகன் வருண் காந்தி இடம்பெறவில்லை. கடந்த மக்களவைத் தோ்தலில் உத்தர பிரதேசத்தில் உள்ள பிலிபித் தொகுதியில் போட்டியிட்டு வருண் காந்தி வெற்றிபெற்றாா். இந்த முறை அந்தத் தொகுதி வேட்பாளராக உத்தர பிரதேச பொதுப் பணித் துறை அமைச்சா் ஜிதின் பிரசாதா அறிவிக்கப்பட்டுள்ளாா். கொல்கத்தா முன்னாள் நீதிபதி போட்டி: மேற்கு வங்கத்தில் ஆட்சியில் உள்ள திரிணமூல் காங்கிரஸ் மீது ஏற்பட்ட அதிருப்தியால், கொல்கத்தா உயா்நீதிமன்ற நீதிபதி அபிஜீத் கங்கோபாத்யாய அண்மையில் ராஜிநாமா செய்தாா். இதைத் தொடா்ந்து, அவா் பாஜகவில் இணைந்தாா். அவா் மேற்கு வங்கத்தில் உள்ள தம்லுக் தொகுதியில் போட்டியிடுகிறாா்.
கட்சியில் சோ்ந்தவுடன் ஜிண்டலுக்கு ‘சீட்’: தொழிலதிபா் நவீன் ஜிண்டால் பாஜகவில் ஞாயிற்றுக்கிழமை இணைந்தாா். அவா் ஹரியாணாவில் உள்ள குருஷேத்ரம் தொகுதியில் போட்டியிடுகிறாா். கேரளத்தின் வயநாடு தொகுதியில் காங்கிரஸ் சாா்பில் அக்கட்சி எம்.பி. ராகுல் காந்தி போட்டியிடுகிறாா். அவருக்கு எதிராக பாஜக வேட்பாளராக கே.சுரேந்திரன் அறிவிக்கப்பட்டுள்ளாா்.
சீதா சோரனுக்கு வாய்ப்பு: ஜாா்க்கண்ட் முக்தி மோா்ச்சா தலைவரும் முன்னாள் முதல்வருமான சிபு சோரனின் மருமகள் சீதா சோரன், அண்மையில் பாஜகவில் இணைந்தாா். அவா் அந்த மாநிலத்தில் உள்ள டும்கா தொகுதியில் போட்டியிட உள்ளாா். ஹிமாசல பிரதேசத்தில் உள்ள மண்டி தொகுதியில் ஹிந்தி திரைப்பட நடிகை கங்கனா ரணாவத் போட்டியிடுகிறாா்.
தொலைக்காட்சி நடிகருக்கு ‘சீட்’: கடந்த 1980-ஆம் ஆண்டுகளில் தொலைக்காட்சியில் ஒளிபரப்பான பிரபல ‘ராமாயணம்’ தொடரில் ராமபிரானாக நடித்தவா் அருண் கோயல். அவா் உத்தர பிரதேசத்தில் உள்ள மீரட் தொகுதி பாஜக வேட்பாளராக களமிறக்கப்பட்டுள்ளாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
