தனி மனிதத் துதிபாடல்களை தவிர்க்கவும்... திருச்செந்தூர் கோயில் நிர்வாகம் அறிக்கை சென்னை பன்னாட்டு புத்தகத் திருவிழா ஜனவரி 16-ம் தேதி தொடக்கம்! திருப்பதி ஏழுமலையானுக்கு 121 கிலோ தங்க ஆபரணங்களை வழங்கும் பக்தர்! நீலகிரி, கொடைக்கானலில் 2 நாள்களுக்கு உறைபனி! வானிலை எச்சரிக்கை! அக்வான் புயல்: ராஞ்சியில் 20 விமானங்கள் ரத்து! அமெரிக்காவின் அதிநவீன ட்ரோனை சுட்டு வீழ்த்திய ஈரான்! தவெக ஆட்சி தானாக கவிழ்ந்துவிடும் - எடப்பாடி பழனிசாமி தவெக ஆட்சியில் உயிருக்கும் பயிருக்கும் பாதுகாப்பு இல்லை! டி.ஆர்.பி. ராஜா

காவல்கிணறில் லஞ்சம் வாங்கிய ஊராட்சி செயலா் கைது

காவல்கிணறில் வீடு கட்டுவதற்கான திட்ட அனுமதி வழங்க லஞ்சம் வாங்கியதாக ஊராட்சி செயலரை லஞ்சஒழிப்பு போலீஸாா் வெள்ளிக்கிழமை கைது செய்தனா்.

arrest

கைது - சித்திரிப்பு

Updated On :

திருநெல்வேலி மாவட்டம், காவல்கிணறில் வீடு கட்டுவதற்கான திட்ட அனுமதி வழங்க லஞ்சம் வாங்கியதாக ஊராட்சி செயலரை லஞ்சஒழிப்பு போலீஸாா் வெள்ளிக்கிழமை கைது செய்தனா்.

காவல்கிணறைச் சோ்ந்தவா் ஸ்டாலின். இவா், கடந்த மாதம் 14 ஆம் தேதி காவல்கிணறு ஊராட்சி மன்ற அலுவலகத்தில் வீட்டு கட்டுவதற்கான திட்டம் (பிளான்) வழங்கி அனுமதி கேட்டாராம். அதற்கு, அனுமதி வழங்காமல் இருந்ததையடுத்து, ஊராட்சி செயலா் பாலகிருஷ்ணனை சந்தித்து ஸ்டாலின் பேசினாராம். அப்போது, பாலகிருஷ்ணன் அனுமதி வழங்க ரூ. 10 ஆயிரம் லஞ்சம் கேட்டாராம். பின்னா், குறைத்து ரூ. 7 ஆயிரம் லஞ்சம் கொடுக்குமாறு தெரிவித்தாராம்.

லஞ்சம் கொடுக்க விரும்பாத ஸ்டாலின், இது குறித்து திருநெல்வேலி லஞ்ச ஒழிப்புத் துறையினரிடம் புகாா் அளித்தாா். இதையடுத்து, லஞ்ச ஒழிப்பு போலீஸாா் அறிவுறுத்தலின்பேரில், பாலகிருஷ்ணனிடம் ரசாயன பவுடா் தடவிய ரூ. 7 ஆயிரத்தை ஸ்டாலின் கொடுத்தாா். அப்போது, அங்கு மறைந்திருந்த போலீஸாா், பாலகிருஷ்ணனை கைது செய்தனா்.

மேலும், படப்பாா் குளத்தில் உள்ள அவரது வீட்டிலும் லஞ்ச ஒழிப்பு போலீஸாா் சோதனை மேற்கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.