முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

மணிமுத்தாறு அணைப் பகுதியில் உயிா்ச்சூழல் பண்பாட்டுத் தேடல் நிகழ்வு

மணிமுத்தாறு, அகத்தியமலை மக்கள்சாா் இயற்கைவள காப்பு மையத்தின் சாா்பில், நவம்பா் மாத உயிா்ச்சூழல் பண்பாட்டுத் தேடல் நிகழ்ச்சி நவ. 22 மணிமுத்தாறு அணைப் பகுதியில் நடைபெற்றது.

மணிமுத்தாறு அணை

Updated On :

மணிமுத்தாறு, அகத்தியமலை மக்கள்சாா் இயற்கைவள காப்பு மையத்தின் சாா்பில், நவம்பா் மாத உயிா்ச்சூழல் பண்பாட்டுத் தேடல் நிகழ்ச்சி ஞாயிற்றுக்கிழமை (நவ. 22) மணிமுத்தாறு அணைப் பகுதியில் நடைபெற்றது.

அகத்தியமலையின் அடிவாரத்தில் உள்ள மணிமுத்தாறு பகுதியில் வடகிழக்குப் பருவமழை மற்றும் பருவகால மாற்றங்களால் ஏற்படும் இயற்கை மாற்றங்கள், தாவரங்கள், உயிரினங்களின் செயல்பாடுகளை நேரடியாக அறிந்துகொள்ளும் வகையில் நடைபெற்ற இந்த நிகழ்ச்சியில் 50-க்கும் மேற்பட்ட இயற்கை ஆா்வலா்கள் கலந்துகொண்டனா்.

நிகழ்ச்சியில், மணிமுத்தாறு அணையின் வரலாறு, அதன் உருவாக்கம் குறித்த தகவல்களை ஏட்ரி அகத்தியமலை மக்கள்சாா் இயற்கைவள காப்பு மையத்தின் மூத்த ஆராய்ச்சியாளா் மு. மதிவாணன் விளக்கினாா்.

நிகழ்ச்சியில் கடம்பு, செம்மருதம், காா்த்திகைப் பூ, தாழம்பூ உள்ளிட்ட தாவரங்களின் பருவகால மலா்ச்சியையும், தாவரங்களின் இலைகளில் வண்ணத்துப் பூச்சிகள் முட்டையிட்டிருப்பதையும், வண்ணத்துப் பூச்சிகள் சேற்றுப் பகுதிகளில் தாதுச் சத்துகளைப் பெறுவதற்காகக் கூட்டமாக அமரும் செயல்பாட்டையும் நேரடியாகக் கண்டறிந்தனா்.

தொடா்ந்து, வண்ணத்துப் பூச்சிகளின் வாழ்க்கைச் சுழற்சி, உணவுத் தாவரங்கள், பல்வேறு செயல்பாடுகள் குறித்து ஆராய்ச்சியாளா் தளவாய்ப் பாண்டி விளக்கமளித்தாா்.

உலகளாவிய வலசைத் வரும் தேசாந்திரித் தட்டான் (எப்ா்க்ஷங் நந்ண்ம்ம்ங்ழ்), பச்சை நீலத் பெரும்தட்டான் (எழ்ங்ங்ய் ஆப்ன்ங் ஈஹழ்ய்ங்ழ்) ஆகிய தட்டான் இனங்களின் செயல்பாடுகளையும், அவை நீா்நிலைகளில் முட்டையிடும் நிகழ்வுகளையும் பங்கேற்பாளா்கள் கண்டுகளித்தனா்.

களப்பயணங்கள் மூலம் இயற்கையின் பருவகால மாற்றங்களையும், காலநிலை மாற்றத்தின் தாக்கங்களையும் நேரடியாகப் புரிந்துகொள்வதுடன், உள்ளூா் பல்லுயிா் வளங்களைப் பாதுகாப்பதற்கான விழிப்புணா்வையும் பொதுமக்களிடையே ஏற்படுத்த முடியும் என நிகழ்வின் ஒருங்கிணைப்பாளா் தணிகைவேல் தெரிவித்தாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.