வரட்டுப்பள்ளத்தில் கொட்டி தீா்த்த கனமழை: 64.60 மில்லி மீட்டா் பதிவு

ஈரோடு மாவட்டம் வரட்டுப்பள்ளம் அணைப் பகுதியில் 64.60 மில்லி மீட்டா் மழை பதிவானது.

தமிழ்நாட்டில் பல்வேறு மாவட்டங்களில் பரவலாக மழை பெய்து வருகிறது. ஈரோடு மாவட்டத்தில் வெள்ளிக்கிழமை காலை முதல் வெயிலின் தாக்கம் வழக்கம்போல அதிகரித்து காணப்பட்டது. மாலை 5 மணிக்கு பிறகு வெயிலின் தாக்கம் குறைத்து கருமேகங்கள் சூழ்ந்தன. இதில் மாவட்டத்தில் ஒரு சில பகுதிகளில் மட்டும் பலத்த இடி, மின்னலுடன் பரவலாக மழை பெய்தது.

மாவட்டத்தில் அதிகபட்சமாக வரட்டுப்பள்ளம் அணைப் பகுதியில் 64.60 மில்லி மீட்டா் மழை பதிவானது. கொடிவேரி அணையில் 12.40 மில்லி மீட்டரும், சத்தியமங்கலத்தில் 3 மில்லி மீட்டரும் மழை பதிவானது.