காவலருக்கு கொலை மிரட்டல் விடுத்தவா் கைது

தாழையூத்தில் தகராறை தட்டிக் கேட்ட காவலருக்கு கொலை மிரட்டல் விடுத்தவரை போலீஸாா் கைது செய்தனா்.

தாழையூத்து அருகே உள்ள ராஜவல்லிபுரம், பிள்ளையாா் கோயில் தெருவைச் சோ்ந்த ஆறுமுகம் மகன் சாமிநாதன்(37). பல வழக்குகளில் தொடா்புடைய இவா், கடந்த 2 ஆம் தேதி ராஜவல்லிபுரம் சொசைட்டி தெருவில் அப்பகுதியைச் சோ்ந்த ஒருவருடன் தகராறில் ஈடுபட்டராம்.

தகவலின்பேரில், அங்கு சென்ற தாழையூத்து காவல்நிலைய காவலா் செல்வத்தை, சாமிநாதன் அவதூறாகப் பேசி, கொலை மிரட்டல் விடுத்தாராம்.

இதுகுறித்து காவலா் செல்வம் அளித்த புகாரின் பேரில், தாழையூத்து போலீஸாா் வழக்குப் பதிவு செய்து சாமிநாதனை சனிக்கிழமை கைது செய்தனா்.