இளைஞா் கொலை வழக்கில் இருவா் கைது

மானூா் அருகே சொத்துத் தகராறில் இளைஞா் வெட்டிக் கொலை செய்யப்பட்ட வழக்கில் இருவரை போலீஸாா் கைது செய்தனா்.

மானூா் அருகேயுள்ள சுப்பையாபுரத்தைச் சோ்ந்த முருகன் மகன் முத்துக்காளை (31). இவருக்கு மனைவி மற்றும் 2 குழந்தைகள் உள்ளனா். முத்துக்காளை குடும்பத்துக்கும், அவரது தாயாா் தேன்மலா் குடும்பத்துக்கும் சொத்து தகராறு இருந்து வந்ததாம்.

இந்நிலையில் முத்துக்காளைக்கும், அவரது தாய்மாமனான சுப்பையாபுரத்தைச் சோ்ந்த தாமஸ் பாண்டியன் (41), வீராணத்தைச் சோ்ந்த அஜித்குமாா் (28) ஆகியோருக்கும் இடையே சுப்பையாபுரத்தில் வெள்ளிக்கிழமை மீண்டும் தகராறு ஏற்பட்டுள்ளது. அப்போது அரிவாளால் வெட்டப்பட்டதில் பலத்த காயமடைந்த முத்துக்காளை உயிரிழந்தாா்.

இதுகுறித்து மானூா் போலீஸாா் வழக்குப் பதிவு செய்து விசாரணை மேற்கொண்டனா். இந்நிலையில் இதில் தொடா்புடைய தாமஸ்பாண்டியன், அஜித்குமாா் ஆகியோரை போலீஸாா் சனிக்கிழமை கைது செய்தனா்.