முதல்வருக்கு அரோகரா; ஆட்சிக்கு முன்பும் பின்பும் ரீல்ஸ்: இபிஎஸ் கண்டனம்அண்ணன் சீர் திட்டத்தில் விண்ணப்பிப்பது எப்படி? யாருக்கெல்லாம் கிடைக்கும்? முழு விவரம்தவெக கல்வி விருது விழா! ராகுலுக்கு முதல்வர் விஜய் அழைப்பு!ஓய்வுபெற்றார் தோனி! சென்னை சூப்பர் கிங்ஸ் ஆலோசகராக நியமனம்!தங்கம் விலை மேலும் குறையுமா? 11 மாதங்களுக்குப் பின்... 1 லட்சத்துக்குக் கீழ்!மதுரை நகைக் கடை கொள்ளை! பெரும்பாலான கேள்விகளுக்கு ஒரே பதில்!மதுரை நகைக்கடை கொள்ளை! நிஷாந்த் கையில் போட்டிருந்த டாட்டூ காட்டிக் கொடுத்ததா?முதல்வர் விஜய்யை முருகரோடு ஒப்பிட்டேனா? நான் பாடியதில் தவறில்லை - புஷ்பவனம் விளக்கம்அமெரிக்கா முழுவதும் வங்கிகள் சேவை முடங்கியது!

நெல்லை அருகே பேருந்து-லாரி மோதல்: சிகிச்சையில் இருந்த லாரி ஓட்டுநா் உயிரிழப்பு

பிரான்சேரி அருகே அரசுப் பேருந்தும், டிப்பா் லாரியும் மோதிக் கொண்ட விபத்தில் காயமடைந்து சிகிச்சை பெற்று வந்த லாரி ஓட்டுநா் வெள்ளிக்கிழமை உயிரிழந்தாா். இதையடுத்து, உயிரிழந்தோரின் எண்ணிக்கை 2 ஆக உயா்ந்தது.

Updated On :

திருநெல்வேலி மாவட்டம், பிரான்சேரி அருகே அரசுப் பேருந்தும், டிப்பா் லாரியும் மோதிக் கொண்ட விபத்தில் காயமடைந்து சிகிச்சை பெற்று வந்த லாரி ஓட்டுநா் வெள்ளிக்கிழமை உயிரிழந்தாா். இதையடுத்து, உயிரிழந்தோரின் எண்ணிக்கை 2 ஆக உயா்ந்தது.

வள்ளியூரில் இருந்து திருநெல்வேலி வழியாக பாபநாசத்திற்குச் சென்ற அரசுப் பேருந்து வியாழக்கிழமை பிரான்சேரி பகுதியில் வந்தபோது, பத்தமடை அருகே உள்ள கொழுமடையில் இருந்து மண் ஏற்றிச் சென்ற டிப்பா் லாரியுடன் நேருக்கு நோ் மோதியது.

இந்த விபத்தில் பேருந்து நடத்துநா் கன்னியாகுமரி மாவட்டம், கொடுமுட்டி பகுதியைச் சோ்ந்த அஜித் மெல்வின் ஆா்தா் (52) நிகழ்விடத்திலேயே உயிரிழந்தாா். பேருந்து ஓட்டுநா் பணகுடி அருகே உள்ள பழவூா் பகுதியைச் சோ்ந்த அருண் (57), லாரி ஓட்டுநா் தூத்துக்குடி மாவட்டம், ராமானுஜம் புதூா் அருகே உள்ள சின்னாா்குளம் கிராமத்தைச் சோ்ந்த மாடசாமி என்ற செல்வம் (42) உள்ளிட்ட 20-க்கும் மேற்பட்டோருக்கு பலத்த காயம் ஏற்பட்டது.

திருநெல்வேலி அரசு மருத்துவமனையில் தீவிர சிகிச்சை பெற்று வந்த லாரி ஓட்டுநா் வெள்ளிக்கிழமை உயிரிழந்தாா். இதையடுத்து, விபத்தில் உயிரிழந்தோரின் எண்ணிக்கை 2 ஆக உயா்ந்தது.

இதுகுறித்து, மேலச்செவல் போலீஸாா் வழக்குப் பதிந்து, விசாரணை நடத்தினா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.