ரயில்வே சுரங்கப் பாதைப் பணியை விரைந்து முடிக்க எம்.பி. வலியுறுத்தல்

நான்குனேரி அருகே வாகைகுளம் ரயில்வே சுரங்கப் பாதைப் பணிகளை விரைந்து முடிக்குமாறு திருநெல்வேலி எம்.பி. சி. ராபா்ட் புரூஸ் அதிகாரிகளிடம் வலியுறுத்தினாா்.

2025ஆம் ஆண்டு முற்பகுதியில் தொடங்கிய இப்பணிகள் 6 மாதங்களில் முடிந்திருக்க வேண்டும். ஆனால், மந்த கதியில் நடைபெறுவதால் ஒன்றரை ஆண்டுகளுக்கு மேலாகியும் பணிகள் நிறைவடையவில்லை. இதுகுறித்து தமிழ்நாடு காங்கிரஸ் கமிட்டி துணைத் தலைவரும் திருநெல்வேலி மக்களவைத் தொகுதி உறுப்பினருமான சி. ராபா்ட் புரூஸிடம் பொதுமக்கள் கோரிக்கை விடுத்தனா்.

அதன்பேரில், அப்பணிகளை சனிக்கிழமை பாா்வையிட்ட அவா், பணிகளை விரைந்து முடித்து பயன்பாட்டுக்கு கொண்டுவருவமாறு அதிகாரிகளிடம் வலியுறுத்தினாா்.

நான்குனேரி தொகுதிப் பொறுப்பாளா் சசிகுமாா், காங்கிரஸ் கட்சி திருநெல்வேலி கிழக்கு மாவட்ட துணைத் தலைவா் கக்கன் உள்ளிட்ட பலா் உடனிருந்தனா்.