பெண்கள், குழந்தைகள் பாதுகாப்பில் கூடுதல் கவனம் செலுத்தப்படுகிறது: அமைச்சா் கு. ஜெகதீஸ்வரி

பெண்கள், குழந்தைகள் பாதுகாப்பில் கூடுதல் கவனம் செலுத்தப்படுகிறது என்றாா் தமிழக சமூகநலன் மற்றும் மகளிா் உரிமைத் துறை அமைச்சா் கு. ஜெகதீஸ்வரி.

சமூக நலன் மற்றும் மகளிா் உரிமைத் துறை மற்றும் மாற்றுத்திறனாளிகள் நலத்துறை அலுவலா்களுக்கான ஆய்வுக் கூட்டம் திருநெல்வேலி ஆட்சியா் அலுவலகத்தில் வெள்ளிக்கிழமை நடைபெற்றது. ஆட்சியா் ஆனந்த் மோகன் முன்னிலை வகித்தாா்.

இந்தக் கூட்டத்துக்குப் பின் சமூகநலன் மற்றும் மகளிா் உரிமைத்துறை அமைச்சா் கு. ஜெகதீஸ்வரி கூறியது:

பெண்கள், குழந்தைகள், முதியோா்கள், மாற்றுத் திறனாளிகள் நலனில் மிகுந்த அக்கறை கொண்டு அனைத்து திட்டங்களையும் முறையாக செயல்படுத்த முதல்வா் ஜோசப் விஜய் உத்தரவிட்டுள்ளாா். அரசு திட்டங்களின் உதவி, சேவை தொடா்பு எண்கள், பல்வேறு துறைகளின் கைப்பேசி செயலிகள் போன்றவை குறித்து பொதுமக்களுக்கு விழிப்புணா்வு ஏற்படுத்த வேண்டும்.

அரசு நலத்திட்டங்கள் தகுதியுள்ள பயனாளிகளுக்குச் சென்றடைவதை உறுதிசெய்ய அதிகாரிகளுக்கு அறிவுறுத்தப்பட்டுள்ளது. பயனாளிகளின் கோரிக்கைகள் மற்றும் குறைகளைப் பரிசீலித்து, திட்டங்களைச் சிறப்பாகச் செயல்படுத்த வேண்டும். பெண்கள் மற்றும் குழந்தைகளின் நலன் பாதுகாப்பதில் தமிழக அரசு கூடுதல் கவனம் செலுத்தி வருகிறது என்றாா் அவா்.

முன்னதாக, 5 மாற்றுத்திறன் பயனாளிகளுக்கு தலா ரூ.15,750

மதிப்பிலான சக்கர நாற்காலிகளையும், சமூக நலத்துறை சாா்பில் 2 பேருக்கு பெண் குழந்தைகள் பாதுகாப்புத் திட்டத்தின் கீழ் வைப்புத் தொகை தலா ரூ.25 ஆயிரத்துக்கான ரசீதுகளை அமைச்சா் வழங்கினாா்.

இக் கூட்டத்தில், மாவட்ட ஆட்சியரின் நோ்முக உதவியாளா் (பொது) த. அனிதா, திருநெல்வேலி வருவாய் கோட்டாட்சியா் பிரியா, துணை ஆட்சியா் (பயிற்சி) மு. பிரதீபா, மாவட்ட சமூக நல அலுவலா் கு. விஜயமீனா, மாவட்ட ஆட்சியரின் நோ்முக உதவியாளா் (சத்துணவு) அருணாதேவி, ஒருங்கிணைந்த குழந்தை வளா்ச்சி பணிகள் திட்ட அலுவலா் தாஜூன்னிசாபேகம், மாவட்ட குழந்தை பாதுகாப்பு அலுவலா் சகிலா பானு, மாவட்ட மாற்றுத் திறனாளிகள் நல அலுவலா் ஜெயபிரகாஷ் உள்பட பலா் கலந்துகொண்டனா்.

ற்ஸ்ப்23த்ங்ஞ்ஹ

திருநெல்வேலியில் மாற்றுத்திறனாளிகளுக்கு வெள்ளிக்கிழமை நலஉதவிகள் வழங்கினாா் சமூகநலன் மற்றும் மகளிா் உரிமைத்துறை அமைச்சா் கு.ஜெகதீஸ்வரி. உடன் ஆட்சியா் ஆனந்த் மோகன்.