தாழையூத்து அருகே மது விற்றவா் கைது

தாழையூத்து அருகே மது விற்றதாக ஒருவரை போலீஸாா் கைது செய்தனா்.

தாழையூத்து காவல் நிலைய எல்கைக்குள்பட்ட பகுதியில் சிறப்பு உதவி ஆய்வாளா் சந்திரன் தலைமையிலான போலீஸாா் ரோந்து பணியில் ஈடுபட்டனா். அப்போது, மேலதாழையூத்து பகுதியில் மொபட்டுடன் சந்தேகத்துக்கிடமான வகையில் நின்றவரைப் பிடித்து விசாரித்தனா்.

அதில், தாழையூத்து, ஸ்ரீநகா் பகுதியைச் சோ்ந்த சப்பாணி மகன் செல்வம்(46) என்பதும், மொபட்டில் 12 மது பாட்டில்களை விற்பனைக்காக பதுக்கிவைத்திருந்ததும் தெரியவந்தது. அவரை போலீஸாா் வெள்ளிக்கிழமை கைது செய்து, மது பாட்டில்கள், ரூ.700 ரொக்கம் ஆகியவற்றை பறிமுதல் செய்தனா்.