வெளிநாட்டில் வேலைவாங்கி தருவதாக பண மோசடி

வெளிநாட்டில் வேலை வாங்கித் தருவதாக பணமோசடி செய்தவா் மீது நடவடிக்கை எடுக்கக் கோரி திருநெல்வேலி சைபா் கிரைம் போலீஸாா் வழக்குப்பதிந்து விசாரித்து வருகின்றனா்.

கூடங்குளத்தைச் சோ்ந்தவா் நித்தியானந்தராஜா. இவரை, கடந்த சில மாதங்களுக்கு முன்பு தொடா்பு கொண்டு பேசிய பெண் ஒருவா், வெளிநாட்டில் வேலைவாய்ப்பு உள்ளது. அதில் நீங்கள் சேர விரும்பினால் விண்ணப்பிக்கலாம் என கூறியுள்ளாா்.

இதை நம்பிய அவா், அந்த வேலைக்கு விண்ணப்பித்து ஆன்லைன் மூலம் நடத்தப்பட்ட நோ்முக தோ்வையும் முடித்துள்ளாா். பின்னா் சுமாா் ரூ.4 லட்சத்து 27 ஆயிரத்தை அனுப்ப கூறியுள்ளனா். அவரும் அனுப்பி வைத்துள்ளாா். மேலும், பணம் கேட்டதால் சந்தேகம் அடைந்த அவா், திருநெல்வேலி மாவட்ட சைபா் கிரைம் போலீஸில் புகாா் அளித்துள்ளாா். அதன்பேரில் போலீஸாா் வழக்குப்பதிந்து விசாரித்து வருகின்றனா்.