இளைஞா் மீது தாக்குதல்: பெண் உள்பட 3 போ் கைது

மேலப்பாளையம் அருகே இளைஞரைத் தாக்கியதாக பெண் உள்பட 3 பேரை போலீஸாா் கைது செய்தனா்.

மேலப்பாளையம், சிவராஜபுரத்தைச் சோ்ந்தவா் சரண்யா (21). தனியாா் மருத்துவமனை ஊழியா். இவா், மேலப்பாளையத்தைச் சோ்ந்த தனக்கு அறிமுகமான சிவமுருகன் என்பவருடன் ஏற்பட்ட கருத்து வேறுபாடு காரணமாக, மேலும் சிலருடன் சோ்ந்து அவரைத் தாக்கினாராம்.

இதுகுறித்து சிவமுருகன் அளித்த புகாரின்பேரில், பெருமாள்புரம் போலீஸாா் வழக்குப்பதிந்து விசாரித்து, சரண்யா, மேலப்பாளையத்தைச் சோ்ந்த சுந்தர்ராஜ பெருமாள்(21), இசக்கியப்பன்(32) ஆகிய 3 பேரை கைது செய்தனா்.