நெல்லை அருகே ரேஷன் அரிசி கடத்தியவா் கைது

திருநெல்வேலி மாவட்டம், உவரி அருகே ரேஷன் அரிசி கடத்தலில் ஈடுபட்ட ஓட்டுநரை போலீஸாா் கைது செய்தனா்.

உவரி அருகே உள்ள கூட்டப்பனை பகுதியில் திருநெல்வேலி குடிமைப்பொருள் வழங்கல் குற்றப் புலானாய்வுத் துறை சாா்பு ஆய்வாளா் ஜெயலட்சுமி தலைமையிலான போலீஸாா் வெள்ளிக்கிழமை ரோந்து பணியில் ஈடுபட்டனா்.

அப்போது அப்பகுதியில் சந்தேகத்துக்கிடமான வகையில் வந்த காரை நிறுத்தி சோதனை மேற்கொண்டனா். அதில் 9 மூட்டைகளில் சுமாா் 405 கிலோ ரேஷன் அரிசியை விற்பனைக்காக பதுக்கி வைத்திருந்தது தெரியவந்தது.

இதையடுத்து அரிசி மற்றும் காரை பறிமுதல் செய்த போலீஸாா், காா் ஓட்டுநரான நான்குனேரி போஸ்ட் ஆபிஸ் தெருவைச் சோ்ந்த ஐகோா்ட் மகாராஜா(42) என்பவரை கைது செய்தனா்.