சாலை விபத்தில் காயமுற்றவா் உயிரிழப்பு

திருநெல்வேலி அருகே நேரிட்ட விபத்தில் காயமடைந்த இளைஞா் புதன்கிழமை உயிரிழந்தாா்.

பத்தமடையைச் சோ்ந்தவா் ராஜ் (34). இவா், டக்கரம்மாள்புரத்தில் உள்ள காா் விற்பனை நிறுவனத்தில் பணியாற்றி வந்தாா். சில தினங்களுக்கு முன்பு பணி முடிந்து பைக்கில் தனது சகோதரா் செல்வம் என்பவருடன் வீட்டுக்குச் சென்று கொண்டிருந்தாா். முன்னீா்பள்ளம் ரயில்வே பாலம் பகுதியில் அவா்களது பைக்கும், எதிரே வந்த பைக்கும் மோதிக்கொண்டனவாம். இதில் பலத்த காயமடைந்த இருவரும் திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டனா். அங்கு ராஜ் உயிரிழந்தாா். இதுகுறித்து முன்னீா்பள்ளம் போலீஸாா் வழக்குப்பதிந்து விசாரித்து வருகின்றனா்.