மார்த்தாண்டத்தில் முதியவர் சடலம் மீட்பு

மார்த்தாண்டம் புதிய பேருந்து நிலையத்தில் கிடந்த முதியவர் சடலத்தை போலீஸார் சனிக்கிழமை மீட்டு விசாரணை மேற்கொண்டுள்ளனர்.
சுமார் 70 வயது மதிக்கத்தக்க இந்த முதியவர், லுங்கி, சட்டை அணிந்திருந்தார். அவர் குறித்த விவரம் உடனடியாக தெரியவரவில்லை. தகவலறிந்து வந்த மார்த்தாண்டம் போலீஸார் சடலத்தைக் கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர். மேலும், இதுகுறித்து வழக்குப் பதிந்து விசாரித்து வருகின்றனர்.