கல்குளம் வட்டத்தில் இன்று அம்மா திட்ட சிறப்பு முகாம்

கல்குளம் வட்டத்தில் அம்மா திட்ட சிறப்பு முகாம் வெள்ளிக்கிழமை (செப்.7) நடைபெறுகிறது.
இதுகுறித்து மாவட்ட ஆட்சியர் பிரசாந்த் மு.வடநேரே வெளியிட்ட செய்திக்குறிப்பு: தமிழக அரசின் அம்மா திட்ட சிறப்பு முகாம் வெள்ளிக்கிழமை (செப். 7) காலை 10 மணிக்கு, கல்குளம் வட்டம் வாள்வச்சகோஷ்டம் கிராமத்தில், கூட்டமாவு அரசு நடுநிலைப் பள்ளியில் நடைபெறவுள்ளது.
முகாமில் இலவச வீட்டுமனைப் பட்டா, முதியோர் உதவித்தொகை உள்ளிட்ட சமூகப் பாதுகாப்புத் திட்டங்கள், பட்டா மாறுதல், உழவர் பாதுகாப்பு அட்டை, பிறப்பு, இறப்பு சான்றிதழ்கள், வருவாய் வட்டாட்சியர் அதிகாரத்திற்குள்பட்ட நிலப் பிரச்னைகள், குடிநீர் மற்றும் சாலை வசதி போன்ற பொதுவான மனுக்களை பொதுமக்கள் அளித்து தீர்வு காணலாம் என செய்திக்குறிப்பில் தெரிவிக்கப்பட்டுள்ளது.