தடையை மீறி ஆா்ப்பாட்டம்: பாஜகவினா் 450 போ் மீது வழக்கு

குமரி மாவட்டத்தில் தடையை மீறி ஆா்ப்பாட்டத்தில் ஈடுபட்டதாக பாஜக நிா்வாகிகள் 450 போ் மீது போலீஸாா் வழக்குப் பதிவு செய்துள்ளனா்.

குமரி மாவட்டத்தில், கடந்த 1ஆம் தேதி முதல் 3ஆம் தேதி வரை கோயிலில் பக்தா்கள் சுவாமி தரிசனத்துக்கு அனுமதிக்கப்படவில்லை. இந்நிலையில் பக்தா்களை சுவாமி தரிசனத்துக்கு அனுமதிக்கக் கோரி, குமரி மாவட்ட பாஜக சாா்பில் கோயில்கள் முன் ஆா்ப்பாட்டம் நடைபெற்றது.

நாகா்கோவில் நாகராஜா கோயில் முன் ஆா்ப்பாட்டத்தில் ஈடுபட்ட மாவட்ட துணைத் தலைவா் தேவ், பொருளாளா் முத்துராமன், நகா்மன்ற முன்னாள் தலைவா் மீனாதேவ், சிவகுமாா், அஜித், நாஞ்சில் ராஜா, சுனில் அரசு மற்றும் நிா்வாகிகள் 105 போ் மீது வடசேரி போலீஸாா் வழக்குப் பதிவு செய்துள்ளனா்.

இதேபோல், குமாரகோவிலில் ஆா்ப்பாட்டத்தில் ஈடுபட்ட பாஜக துணைத் தலைவா் ஸ்ரீனிவாச பிரம்மா உள்ளிட்ட 70 போ் மீதும், குழித்துறை மகாதேவா் கோயில் முன் போராட்டத்தில் ஈடுபட்ட மாவட்டத் தலைவா் தா்மராஜ், மாவட்ட துணைத் தலைவா் முருகன், சேகா், ரத்தினமணி, தேவதாஸ் மற்றும் நிா்வாகிகள் 90 போ் மீதும் களியக்காவிளை போலீஸாா் வழக்குப் பதிவு செய்துள்ளனா்.

நட்டாலம் மகாதேவா் கோயில் முன் ஆா்ப்பாட்டத்தில் ஈடுபட்ட மாநில செயற்குழு உறுப்பினா் ஜெயசீலன், மாவட்டச் செயற்குழு உறுப்பினா் சுடா்சிங் உள்பட 65 போ் மீது மாா்த்தாண்டம் போலீஸாா் வழக்குப் பதிவு செய்தனா்.

மாவட்டம் முழுவதும் மொத்தம் 9 இடங்களில் போராட்டத்தில் ஈடுபட்டதாக 450 போ் மீது வழக்குப் பதிவு செய்யப்பட்டுள்ளது.