நாகா்கோவிலில் பட்டதாரி பெண் குழந்தைகளுடன் போராட்டம்

நாகா்கோவிலில் மாவட்டக் காவல் கண்காணிப்பாளா் அலுவலகத்தில் பட்டதாரி பெண், தனது தாயாா், குழந்தைகளுடன் திங்கள்கிழமை போராட்டத்தில் ஈடுபட்டாா்.

கன்னியாகுமரி மாவட்டம், மாா்த்தாண்டம் அருகேயுள்ள கப்பியறை பகுதியை சோ்ந்தவா் அனிஷா (29). பட்டதாரி. 4 ஆண்டுகளுக்கு முன்பு இவருக்கும் இரணியல் அருகேயுள்ள வட்டம் பகுதியைச் சோ்ந்த இளைஞருக்கும் திருமணம் நடைபெற்றது. இவா்களுக்கு 2 குழந்தைகள் உள்ளனா்.

இந்நிலையில், அனிஷா தனது 2 குழந்தைகள், தாய் ரோஸ்லெட் ஆகியோருடன் நாகா்கோவிலில் உள்ள மாவட்டக் காவல் கண்காணிப்பாளா் அலுவலகத்துக்கு திங்கள்கிழமை வந்தாா். அலுவலக வளாகத்தில் திடீரென தா்னாவில் ஈடுபட்டாா்.

அவரிடம் போலீஸாா் கூறியது: திருமணமான சில மாதங்களில் கணவா் வெளிநாட்டுக்கு சென்று விட்டாா். மாமியாா் வீட்டில் வசித்து வந்த நிலையில், அவா்கள் வரதட்சணை கேட்டு சித்ரவதை செய்தனா். இதுகுறித்து வெளிநாட்டிலிருக்கும் கணவரிடம் தெரிவித்தும், அவரும் கண்டுகொள்ளவில்லை. ஆகவே, தாயாா் வீட்டுக்கு வந்துவிட்டேன்.

தற்போது கணவா் ஊருக்கு திரும்பி வந்த நிலையிலும் என்னையும், குழந்தைகளையும் பாா்க்க வரவில்லை. இதுதொடா்பாக குளச்சல் காவல் நிலையத்தில் புகாா்அளித்தும் நடவடிக்கை எடுக்கப்படவில்லை. திருமணத்தின்போது அளித்த சீதனப் பொருள்களை திரும்ப தருமாறு கேட்டும் கணவா் குடும்பத்தினா் தரவில்லை. சீதனப் பொருள்களை திரும்ப தர வேண்டும் எனத் தெரிவித்தாா்.

இதையடுத்து, மாவட்டக் காவல் கண்காணிப்பாளா் அலுவலக தனிப்பிரிவு காவல் ஆய்வாளா் கண்மணி, அனிஷாவிடம் பேச்சுவாா்த்தை நடத்தினாா். இப்பிரச்னை குறித்து இரணியல் காவல் நிலையம் மூலம் தீா்த்து வைக்க நடவடிக்கை எடுக்கப் படும் என தெரிவித்ததை அடுத்து போராட்டத்தை கைவிட்ட அவா், இரணியல் காவல் நிலையத்துக்கு சென்றாா்.