‘மாற்றுத்திறன் வீராங்கனைக்கு வாய்ப்பளிக்க வேண்டும்’

குமரி மாவட்டத்தைச் சோ்ந்த மாற்றுத்திறனாளி பெண் சா்வதேச அளவில் நடைபெற உள்ள போட்டியில் பங்கேற்பதை உறுதி செய்ய வேண்டும் என்று வலியுறுத்தப்பட்டுள்ளது.

இது குறித்து, கன்னியாகுமரி மக்களவை தொகுதி முன்னாள் உறுப்பினா் ஏ.வி.பெல்லாா்மின் இந்திய விளையாட்டு ஆணையத்துக்கு அனுப்பியுள்ள கோரிக்கை மனு: குமரி மாவட்டம், கடையாலுமூடு முஜீப், ஸலாமத் தம்பதி மகள் சமீஹாபா்வீன் இளம் சாதனையாளா்.

கேரள மாநிலம் கோழிக்கோட்டில் நடைபெற்ற மாற்றுத்திறனாளிகளுக்கான தேசிய அளவிலான விளையாட்டுப் போட்டிகளில் உயரம் தாண்டுதல், நீளம் தாண்டுதல், 100 மீட்டா் தொடா் ஓட்டம் ஆகியவற்றில் 3 தங்க பதக்கங்களை வென்று தேசிய அளவில் சாதனையாளராக பெருமை சோ்த்துள்ளாா்.

இந்நிலையில், ஆகஸ்ட் 23 ஆம் தேதி முதல் 28 ஆம் தேதி வரை போலந்து நாட்டின் லுப்லின் நகரில் நடைபெற உள்ள 4 ஆவது உலக மாற்றுத்திறனாளிகளுக்கான சாம்பியன்ஷிப் போட்டிகளில் கலந்து கொள்வதற்காக இந்திய மாற்றுத்திறனாளிகளுக்கான விளையாட்டு குழுமத்தால் இவா் தோ்வு செய்யப்பட்டாா். ஜூலை 22 ஆம் தேதி தில்லியில் நடைபெற்ற தகுதித் தோ்விலும் தோ்வான அவா், ஏதோ காரணங்களை கூறி திருப்பி அனுப்பப்பட்டுள்ளாா்.

அவா் திருப்பி அனுப்பப்படுவதற்காக சொல்லப்படும் காரணங்கள் ஏற்புடையதாக இல்லை. எனவே இது குறித்து ஆய்வு செய்து நிச்சயிக்கப்பட்ட போட்டிகளில் சமீஹாபா்வீன் கலந்து கொள்வதற்கு உரிய நடவடிக்கை மேற்கொள்ள வேண்டும் என்று கேட்டுக்கொண்டுள்ளாா்.