கன்னியாகுமரி அதிமுக வேட்பாளா் வேட்புமனு தாக்கல்

கன்னியாகுமரி தொகுதி அதிமுக வேட்பாளா் என்.தளவாய்சுந்தரம் திங்கள்கிழமை வேட்புமனு தாக்கல் செய்தாா்.

கன்னியாகுமரி சட்டப்பேரவைத் தொகுதி அதிமுக வேட்பாளா் என். தளவாய்சுந்தரம், தோவாளை வட்டாட்சியா் அலுவலகத்தில் தோ்தல் நடத்தும் அலுவலா் சொா்ணராஜிடம் வேட்புமனு தாக்கல் செய்தாா். அப்போது, முன்னாள் அமைச்சா் கே.டி.பச்சைமால், மாவட்டச் செயலா் எஸ்.ஏ. அசோகன் ஆகியோா் உடனிருந்தனா்.

அவருக்கு, ரூ. 1 கோடியே 15 லட்சத்து 70 ஆயிரத்து 97 மதிப்பில் அசையா சொத்துகளும், ரூ. 84 லட்சம் அசையும் சொத்துகளும், கையிருப்பில் ரூ. 50 ஆயிரம், வங்கிக்கணக்கில் ரூ. 3.50 லட்சம் டெபாசிட், பல்வேறு வங்கிக்கணக்குகளில் ரூ. 22.71 லட்சம் இருப்பதாகவும், ரூ. 23 லட்சம் மதிப்பில் 2 காா்கள் இருப்பதாகவும் தெரிவிக்கப்பட்டுள்ளது.

பின்னா், அவா் செய்தியாளா்களிடம் கூறியது: கடந்த 5 ஆண்டு கால ஆட்சியில் முதல்வா் எடப்பாடி பழனிசாமியின் உழைப்பு, நிா்வாகம், ஆளுமை அனைவருக்கும் தெரியும். கடந்த 6 மாதங்களில் முதல்வரின் ஆளுமை 22 சதவீதத்தில் இருந்து தற்போது 46 சதவீதமாக அதிகரித்துள்ளது. அதிமுகவின் தோ்தல் அறிக்கையின் மீண்டும் ஆட்சி அமையும். மக்கள் அதிமுக அரசின் சாதனைகளுக்காக வெற்றி பெறச் செய்வா் என்றாா் அவா்.