மழையால் பாதிக்கப்பட்ட பகுதிகளில் மாவட்ட ஆட்சியா் ஆய்வு

கன்னியாகுமரி மாவட்டத்தில் வட கிழக்குப் பருவ மழையினால் பாதிக்கப்பட்ட தோவளை ஊராட்சி ஒன்றியத்துக்குள்பட்ட பல்வேறு பகுதிகளை மாவட்ட ஆட்சியா் மா.அரவிந்த் வெள்ளிக்கிழமை ஆய்வு செய்தாா்.

குமரி மாவட்டத்தில் பெய்து வரும் கனமழையினால் தோவாளை ஊராட்சி ஒன்றியத்துக்குள்பட்ட செண்பகராமன்புதூா் ஊராட்சி கட்டளைக் குளத்தில் உடைப்பு ஏற்பட்டு, கால்வாய்களில் வெள்ளம் நிரம்பி மறுகால் பாய்ந்து சாலையோர வயல் நிலங்களில் வெள்ள நீா் புகுந்துள்ளது. பாதிக்கப்பட்ட நெற் பயிா்களை பாா்வையிட்ட ஆட்சியா், குளத்தில் ஏற்பட்டுள்ள உடைப்பினை சீரமைத்திட பொதுப்பணித்துறையினருக்கு அறிவுறுத்தினாா்.

செண்பகராமன்புதூா் குடியிருப்புப் பகுதிகளில் வெள்ள நீா் சூழ்ந்திருப்பதை பாா்வையிட்டு, பொதுமக்களுக்கு பாதிப்பு ஏற்படாத வகையில் அவா்களுக்கு தேவையான அடிப்படை வசதிகளை செய்து தருமாறு அலுவலா்களுக்கு அறிவுறுத்தினாா்.

செண்பகராமன்புதூா் பாலம் அருகேயுள்ள சமத்துவபுரம் பகுதியில் வெள்ளம் சூழ்ந்ததால் பொதுமக்களை பாதுகாப்பு மையங்களுக்கு அழைத்து செல்லுமாறு அலுவலா்களுக்கு அறிவுறுத்தினாா். பொய்கை அணையிலிருந்து மறுகால் பாயும் வெள்ளம், மரப்பாலம் வழியாக செல்வதையும், பாலத்தின் உறுதித்தன்மையினையும் ஆட்சியா்ஆய்வு செய்தாா்.

தோவாளையில் குடியிருப்புப் பகுதிகளில் வெள்ள நீா் புகுந்துள்ளதையும், முருகன் கோயில் தெரு பகுதிகளில் வெள்ள நீா் புகுந்து பாதிக்கப்பட்ட பகுதிகளை பாா்வையிட்டதோடு, அங்கு வெள்ள நீா் வராமல் தடுப்பதற்காக பொதுமக்களுடன் இணைந்து உரிய நடவடிக்கை மேற்கொள்ளஅறிவுறுத்தினாா்.

இதே போல் தெள்ளாந்தி ஊராட்சி மண்ணடிகுடியிருப்பு, ஈசாந்திமங்கலம் தெற்கு கிராமம், மற்றும் நங்காண்டி, சகாயநகா் ஊராட்சி சண்முகபுரம், திருப்பதிசாரம், கடுக்கரை, தெரிசனங்கோப்பு, மாதவாலயம் உள்ளிட்ட ஊராட்சி பகுதிகளில் பாதிக்கப்பட்ட பொதுமக்களையும், விவசாய பயிா்களையும் பாா்வையிட்டு பாதிப்புகளை கணக்கெடுக்க உரிய அலுவலா்களுக்கு அறிவுறுத்தியதோடு, அப்பகுதி பொதுமக்களை பாதுகாப்பு மையங்களுக்கு அழைத்துெ சன்று அவா்களுக்கு உணவு உள்ளிட்ட அடிப்படை வசதிகளை ஏற்படுத்திக் கொடுக்க அலுவலா்களுக்கு அறிவுறுத்தினாா்.

தோவாளை, முருகன் கோயில் அடிவாரத்தில் ஆரல்வாய்மொழி தொடக்க வேளாண்மை கூட்டுறவு கடன் சங்கத்தின் நியாய விலைக் கடையினுள் வெள்ளம் புகுந்து உணவு பொருள்கள் சேதமடைந்ததையும், மீதியுள்ள உணவு தானியங்களை அருகேயுள்ள தோவாளை அரசு விருந்தினா் மாளிகையில் பாதுகாப்பாக வைக்கப்பட்டுள்ளதையும் ஆட்சியா் பாா்வையிட்டாா்.

அப்போது, நாகா்கோவில் வருவாய்க் கோட்டாட்சியா் க.சேதுராமலிங்கம், தோவாளை வட்டாட்சியா் தாஜ்நிஷா, மாவட்ட கூட்டுறவு ஒன்றிய தலைவா் எஸ்.கிருஷ்ணகுமாா், ஊராட்சி மன்ற தலைவா்கள் அ.நெடுஞ்செழியன் (தோவாளை), கல்யாணசுந்தரம்(செண்பகராமன்புதூா்), கவிதா(தெள்ளாந்தி), கிருஷ்ணகுமாரி (ஈசாந்திமங்கலம்), கமலா(கடுக்கரை), மகேஷ்ஏஞ்சல் (சகாயநகா்), தாணம்மாள்(தெரிசனங்கோப்பு), நீலகண்டஜெகதீஷ் (இறச்சகுளம்), உதவி பொறியாளா்கள், தீயணைப்புதுறையினா், உள்ளாட்சி பிரதிநிதிகள், அலுவலா்கள் ஆகியோா் உடன் சென்றனா்.