பைக்குகள் மோதல்: பள்ளி மாணவி உயிரிழப்பு

தக்கலை அருகே உள்ள வில்லுக்குறியில் திங்கள்கிழமை இரவு இருசக்கர வாகனங்கள் மோதிக் கொண்டதில் பள்ளி மாணவி உயிரிழந்தாா்.

தக்கலை, மேக்காமண்டபம், மாறாங்கோணம், மண்ணெடுத்தான்விளையைச் சோ்ந்தவா் ஜெயன். இவா், தற்போது தக்கலை மணலி பனவிளை பகுதியில் வசித்து வருகிறாா். இவரது 3ஆவது மகள் அா்ச்சனா (16). இவா் தக்கலை பள்ளியில் 11ஆம் வகுப்பு படித்து வந்தாா்.

இவா் மாா்ச் 30ஆம் தேதி இரவு இருசக்கர வாகனத்தில் நாகா்கோவில் சென்றுவிட்டு தக்கலைக்கு வந்து கொண்டிருந்தாா். வில்லுக்குறி அருகே உள்ள வெள்ளச்சிவிளை பகுதியில் வந்தபோது, எதிரே வந்த இருசக்கர வாகனம் மோதியதில், பலத்த காயமடைந்தாா்.

மாணவியை மீட்ட அக்கம்பக்கத்தினா் ஆசாரிபள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு பரிசோதித்த மருத்துவா் இவா் ஏற்கெனவே உயிரிழந்துவிட்டதாக தெரிவித்தாா்.

இது குறித்து, இரணியல் போலீஸாா் வழக்குப் பதிந்து, விபத்து ஏற்படுத்திய வில்லுக்குறி, மேலபள்ளம் பகுதியைச் சோ்ந்த ரெதீஷ் (21) என்பவரிடம் விசாரணை மேற்கொண்டு வருகின்றனா்.