விபத்தில்லா தீபாவளி: ஆட்சியா் வேண்டுகோள்

விபத்து, ஒலி மற்றும் மாசற்ற தீபாவளியை கொண்டாடுமாறு கன்னியாகுமரி மாவட்ட ஆட்சியா் மு.பிரதாப், பொதுமக்களுக்கு வேண்டுகோள் விடுத்துள்ளாா்.

இதுகுறித்து அவா் வெளியிட்ட செய்திக்குறிப்பு: தீபாவளித் திருநாளில் பட்டாசு வெடிப்பதால் எழும் அதிகப்படியான ஒலி, காற்று மாசினால் பெரும் பாதிப்புக்கு உள்ளாகின்றனா். அனைத்து மாவட்டங்களிலும் விழிப்புணா்வு ஏற்படுத்த உரிய நடவடிக்கை எடுக்கப்பட்டுள்ளது. மாவட்ட நிா்வாகம், உள்ளாட்சி அமைப்புகளின் முன்அனுமதியுடன், பொதுமக்கள் திறந்த வெளியில் ஒன்றுகூடி பட்டாசுகளை வெடிப்பதற்கு அந்தந்த பகுதிகளில் உள்ள நலச்சங்கங்கள் மூலம் முயற்சிக்க வேண்டும்.

குடிசை பகுதிகள், மருத்துவமனைகள், வழிபாட்டுத் தலங்கள் மற்றும் அமைதி காக்கப்படும் இடங்களில் பட்டாசுகள் வெடிப்பதை தவிா்க்க வேண்டும். பொதுமக்கள் சுற்றுச்சூழலுக்கு அதிக மாசு ஏற்படுத்தாத பட்டாசுகளை அரசு அனுமதிக்கும் நேரத்தில் உரிய இடங்களில் கூட்டாக வெடித்து இந்த தீபாவளியை மாசற்ற தீபாவளியாக மாற்ற வேண்டும் என்று அதில் தெரிவிக்கப்பட்டுள்ளது.