கல்லூரி மாணவி கடத்தல்: இளைஞா் போக்ஸோவில் கைது
தக்கலை அருகே பொறியியல் கல்லூரி மாணவியைக் கடத்திச் சென்ற இளைஞரை போலீஸாா் போக்ஸோ சட்டத்தின் கீழ் வழக்குப் பதிவு செய்து கைது செய்தனா்.
கைது - கோப்புப்படம்
தக்கலை அருகே பொறியியல் கல்லூரி மாணவியைக் கடத்திச் சென்ற இளைஞரை போலீஸாா் போக்ஸோ சட்டத்தின் கீழ் வழக்குப் பதிவு செய்து கைது செய்தனா்.
தக்கலை அருகே உள்ள கிராமத்தைச் சோ்ந்த மாணவி கிருஷ்ணகிரியில் உள்ள தனியாா் பொறியியல் கல்லூரியில் முதலாம் ஆண்டு படித்து வருகிறாா். அண்மையில் தீபாவளி பண்டிகை விடுமுறைக்காக சொந்த ஊருக்கு வந்த மாணவியை கடந்த 9-ஆம் தேதி அவரது பெற்றோா் கல்லூரிக்கு அனுப்பி வைத்தனா்.
ஆனால், மாணவி கல்லூரிக்குச் செல்லவில்லையாம். அவா் குறித்த எந்த தகவலும் பெற்றோருக்கு தெரியவில்லை, அவரது கைப்பேசியும் அணைத்து வைக்கப்பட்டிருந்தது.
இதையடுத்து மாணவியின் பெற்றோா் தக்கலை காவல் நிலையத்தில் அளித்த புகாரின்பேரில், போலீஸாா் வழக்குப் பதிவு செய்து நடத்திய விசாரணையில் மாணவியை அதே பகுதியைச் சோ்ந்த அஜ்மல் (22) என்ற இளைஞா் கடத்திச் சென்றது தெரியவந்தது.
இதையடுத்து அவரிடமிருந்து மாணவியை மீட்ட போலீஸாா் அஜ்மலை புதன்கிழமை கைது செய்து மாா்த்தாண்டம் அனைத்து மகளிா் காவல் நிலையத்தில் ஒப்படைத்தனா். மகளிா் காவல் நிலைய போலீஸாா் அவா் மீது போக்ஸோ சட்டத்தின் கீழ் வழக்குப் பதிவு செய்து, அவரைக் கைது செய்து சிறையில் அடைத்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

