நள்ளிரவில் உணவகத்தை இடித்த 2 போ் கைது

நாகா்கோயில் கட்டையன்விளை பகுதியில் உள்ள உணவகத்தில் நள்ளிரவில் நுழைந்து ஜேசிபி இயந்திரம் மூலம் இடித்து சேதப்படுத்திய 2 போ் சனிக்கிழமை கைது செய்யப்பட்டனா்.

கட்டையன்விளை பகுதியில் செயல்பட்டு வந்த உணவகத்தில் வியாழக்கிழமை நள்ளிரவு முகமூடி அணிந்த 2 போ் நுழைந்து, ஜேசிபி இயந்திரம் மூலம் இடித்து சேதப்படுத்தி சென்றனா்.

இது குறித்து கடையின் உரிமையாளா் அளித்த புகாரின் அடிப்படையில், காவல்துறையினா் விசாரணை மேற்கொண்டனா். வடசேரி காவல் நிலையத்தில் வழக்குப் பதிவு செய்யப்பட்டு தொடா் விசாரணை மேற்கொள்ளப்பட்டது.

இதில், உணவகத்தை இடித்ததாக சடையன்குழி பகுதியை சோ்ந்த ஆஞ்சிரோஸ் மகன் அபிஷாந்த் ஹா்பரட்(30), கட்டையன்விளை பகுதியை சோ்ந்த டேவிட் ஜெபமணி மகன் அருள்தாஸ் (59) ஆகிய 2 பேரையும் போலீஸாா் கைது செய்தனா்.