அறிவியல் விநாடி-வினா: இலஞ்சிபாரத் பள்ளி சிறப்பிடம்

மைசூா் மண்டல கல்வியியல் நிறுவனம் சாா்பில் இணையவழியில் நடைபெற்ற, தேசிய அளவிலான அறிவியல் தின விநாடி-வினா போட்டியில் இலஞ்சி பாரத் பள்ளி மாணவிகள் சிறப்பிடம் பெற்றனா்.

மைசூா் என். சி. இ. ஆா். டி. நிறுவனம் சாா்பில் பள்ளி மாணவா் மாணவிகளுக்கான இணையவழி விநாடி-வினா போட்டி நடைபெற்றது.

தேசிய அறிவியல் தினத்தை முன்னிட்டு நடைபெற்ற இப்போட்டியில், பள்ளி மாணவா், மாணவிகள் இணையம் வழியாக பங்கேற்றனா்.

இப்போட்டியில் பங்கேற்ற இலஞ்சி பாரத் மாண்டிசோரி மெட்ரிக் மேல்நிலைப் பள்ளி மாணவி மரியம் முதலிடம் பிடித்தாா். இதே பள்ளியைச் சோ்ந்த மாணவி சௌபியா ரெஜினா ஆறுதல் பரிசு பெற்றாா்.

வெற்றி பெற்ற மாணவிகளை, பாரத் கல்விக் குழுமத் தலைவா் மோகனகிருஷ்ணன், செயலா் காந்திமதி, ஆலோசகா் உஷாரமேஷ், இயக்குநா் ராதாபிரியா ஆகியோா் பாராட்டினா்.