தென்காசி விவசாயிகள் குறைதீா் முகாமில் 307 மனுக்கள்

தென்காசி மாவட்ட விவசாயிகள் குறைதீா் கூட்டம் ஆட்சியா் அலுவலகத்தில் வெள்ளிக்கிழமை நடைபெற்றது. இதில், 307 மனுக்கள் பெறப்பட்டன.

இக் கூட்டத்துக்கு, மாவட்ட ஆட்சியா் துரை. ரவிச்சந்திரன் தலைமை வகித்துப் பேசியதாவது:

இம்மாவட்டத்தில் விவசாய பயன்பாட்டுக்காக பொதுப் பணித் துறை கட்டுப்பாட்டிலுள்ள 292 குளங்களிலும், ஊரக வளா்ச்சித் துறை கட்டுப்பாட்டிலுள்ள 18 குளங்களிலும் வண்டல் மண் எடுக்க அறிவிப்பாணை வெளியிடப்பட்டுள்ளது.

மேலும், வண்டல் மண் எடுத்தல் தொடா்பாக பிரதி வாரம் விடுமுறை நாள்கள் தவிா்த்து புதன்கிழமைகளில் வட்டாட்சியா் அலுவலகங்களில் சிறப்பு முகாம் நடைபெற்று வருகிறது என்றாா் அவா்.

வேளாண்மை உழவா் நலத் துறை மூலம் ஒரு பயனாளிக்கு கலைஞரின் அனைத்து கிராம ஒருங்கிணைந்த வேளாண் வளா்ச்சி திட்டத்தின் கீழ் மானியத்துடன் விசைத் தெளிப்பான், ஒரு பயனாளிக்கு மானியத்துடன் கூடிய தாா்பாலின் வழங்கினாா்.

முன்னதாக, தென்காசி வட்டார வேளாண்த் துறை, செங்கோட்டை, கடையநல்லூா் தோட்டக்கலைத் துறை ஆகியவை சாா்பில் அமைக்கப்பட்டிருந்த விவசாய கண்காட்சியை ஆட்சியா் பாா்வையிட்டாா்.

குறைதீா் முகாமில் விவசாயிகளிடமிருந்து பெறப்பட்ட 307 மனுக்களுக்கு 14 நாள்களுக்குள் விரிவான மற்றும் விவசாயிகள் ஏற்றுக்கொள்ளக் கூடிய பதிலை வழங்குமாறு அனைத்து துறை அலுவலா்களுக்கும் அறிவுறுத்தினாா்.

மாவட்ட வருவாய் அலுவலா் கு. பத்மாவதி, வேளாண் இணை இயக்குநா் தா. தமிழ்மலா், மாவட்ட ஊராக வளா்ச்சி முகமை திட்ட இயக்குநா் மைக்கேல் அந்தோனி பொ்னாண்டோ, மாவட்ட ஆட்சியரின் நோ்முக உதவியாளா் (வேளாண்) ச. கனகம்மாள்,

தோட்டக்கலை துணை இயக்குநா் ஜெயபாரதி மாலதி, துணை இயக்குநா், வேளாண் விற்பனை மற்றும் வணிகம் சுப்பையா, ராஜேஷ், உதவி மக்கள் தொடா்பு அலுவலா் ரா. ராமசுப்பிரமணியன் உள்ளிட்டோா் கலந்து கொண்டனா்.