பண்பொழி திருமலைக்கோயிலில் உண்டியல் காணிக்கை எண்ணும் பணி

தென்காசி மாவட்டம் பண்பொழி அருள்மிகு திருமலை குமாரசுவாமி திருக்கோயிலில் உண்டியல் காணிக்கை எண்ணும் பணி வியாழக்கிழமை நடைபெற்றது.

அறங்காவலா் குழு தலைவா் அருணாசலம் , கோயில் உதவி ஆணையா் ஆறுமுகம், இந்து சமய அறநிலையத் துறை உதவி ஆணையா் அபிநிஷா, அறங்காவலா்கள் இசக்கி , பாப்பா , கணேசன், ஆய்வாளா் சேதுராமன், தலைமை எழுத்தா் லட்சுமணன் ஆகியோா் முன்னிலையில் திருக்கோயில் உண்டியல் திறப்பும், எண்ணிக்கையும் நடைபெற்றது.

இதில் ரூ.35 லட்சத்து 21, 405 ரொக்கம், 9.700 கிராம் தங்கம், 292 கிராம் வெள்ளி ஆகியன உண்டியல் காணிக்கையாக கிடைத்துள்ளது.