செப்.1 முதல் சங்கரநாராயணசுவாமி கோயிலுக்கு கைப்பேசி கொண்டு செல்லத் தடை

சங்கரன்கோவில் அருள்மிகு சங்கரநாராயண சுவாமி கோயிலுக்கு வருகிற செப். 1 ஆம் தேதி கைப்பேசி கொண்டு செல்லத் தடை விதிக்கப்பட்டுள்ளது.

இதுகுறித்து கோயில் துணை ஆணையா் இரா.ஞானசேகரன் விடுத்துள்ள செய்திக்குறிப்பு:

சங்கரன்கோவில் அருள்மிகு சங்கரநாராயண சுவாமி கோயிலுக்குள் வருகிற செப்.1 ஆம் தேதி முதல் பக்தா்கள் கைப்பேசிகளை எடுத்துச் செல்லத்

தடை விதிக்கப்பட்டது.

பக்தா்கள் தங்களது கைப்பேசிகளைப் பாதுகாப்பாக வைத்துச் செல்வதற்காக திருக்கோயிலின் கிழக்கு ராஜகோபுரம் விநாயகா் சந்நிதி அருகில் கைப்பேசி பாதுகாப்பு மையம் அமைக்கப்பட்டுள்ளது. இங்கு

ஒரு கைப்பேசிக்கு ரூ.5 கட்டணம் வசூலிக்கப்படும்.திருக்கோயிலுக்கு வரும் பக்தா்கள் தங்களது கைப்பேசிகளை பாதுகாப்பு மையத்தில் வைத்துவிட்டுச் செல்லலாம்

என அதில் தெரிவிக்கப்பட்டுள்ளது.