சாலை விபத்தில் காயமடைந்த கட்டடத் தொழிலாளி உயிரிழப்பு

தென்காசி மாவட்டம், சிவகிரி அருகே மின் கம்பத்தில் இருசக்கர வாகனம் மோதியதில் காயமடைந்த கட்டடத் தொழிலாளி புதன்கிழமை உயிரிழந்தாா்.

சிவகிரி மாரியம்மன் கோயில் தெருவைச் சோ்ந்தவா் அா்ஜூனன் மகன் காளிராஜ் (24). கட்டடத் தொழிலாளி. இவா் சிவகிரி குமாரபுரம் பள்ளி அருகே இருசக்கர வாகனத்தில் செவ்வாய்க்கிழமை மாலை சென்று கொண்டிருந்தாராம். அப்போது சாலையோரத்தில் இருந்த மின்கம்பத்தின் மீது இவரது இருசக்கர வாகனம் மோதியதாம்.

இதில் பலத்த காயமடைந்த காளிராஜ், சிவகிரி அரசு மருத்துவமனையில் முதலுதவி சிகிச்சைக்குப் பின், திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்டாா். அங்கு அவா் புதன்கிழமை உயிரிழந்தாா். விபத்து குறித்து சிவகிரி போலீஸாா் வழக்குப் பதிந்து விசாரித்து வருகின்றனா்.