பெண்ணிடம் 7 பவுன் நகைப்பறிப்பு

பாளையங்கோட்டை மகாராஜநகரில் நடந்து சென்ற பெண்ணிடம் 7 பவுன் தங்கச்சங்கிலியைப் பறித்துச் சென்ற மர்மநபர்களை போலீஸார் தேடி வருகிறார்கள்.

பாளையங்கோட்டை மகாராஜநகரில் உள்ள வேலவன்காலனி 4 ஆவது தெருவைச் சேர்ந்த முத்துச்செல்வன் மனைவி செல்வி (35). இவர், திங்கள்கிழமை பிற்பகலில் பள்ளிக்குச் சென்றுவிட்டு நடந்து வீட்டுக்கு சென்று கொண்டிருந்தாராம். அப்போது பைக்கில் வந்த மர்மநபர்கள் செல்வி அணிந்திருந்த 7 பவுன் தங்கச்சங்கிலியைப் பறித்துக் கொண்டு தப்பியோடிவிட்டனர். இதுகுறித்த புகாரின்பேரில் பாளையங்கோட்டை குற்றப்பிரிவு போலீஸார் வழக்குப்பதிந்து விசாரித்து வருகிறார்கள்.