லாரிகள் மோதல்: கிளீனர் சாவு

சேரன்மகாதேவியில் உள்ள தனியார் காகித ஆலை வாயிலில் திங்கள்கிழமை இரண்டு லாரிகள் நேருக்கு நேர் மோதியதில் கிளீனர் உயிரிழந்தார்.

ஸ்ரீவைகுண்டம் அருகே உள்ள பெருங்குளம் நடுவூரைச் சேர்ந்த கருகுலராஜா மகன் பேச்சிமுத்து (22). இவர் சேரன்மகாதேவியில் உள்ள தனியார் காகித ஆலையில் இயக்கப்படும்  லாரியில் கிளீனராக இருந்தாராம்.   இந்நிலையில், திங்கள்கிழமை மூர்த்தி என்பவர் இயக்கிய லாரியில், பேச்சிமுத்து பணியில் இருந்தாராம். லாரி, காகித ஆலையை விட்டு வெளியே வரும்போது எதிரே வந்த மற்றொரு லாரி நேருக்கு நேர் மோதியதாம். இதில் லாரியில் இருந்து தூக்கி வீசப்பட்ட பேச்சிமுத்து பலத்த காயமடைந்து சம்பவ இடத்திலேயே உயிரிழந்தார். லாரி ஓட்டுநர்கள் தப்பி ஓடிவிட்டனர்.

விபத்து குறித்து தகவலறிந்த முக்கூடல் போலீஸார் வழக்கு பதிவு செய்து தலைமறைவான ஓட்டுநர்களைத் தேடி வருகின்றனர்.